ინვესტირება უძრავ ქონებაში: გააკეთეთ უსაფრთხო და მომგებიანი არჩევანი ,,არქისთან” ერთად

,,უძრავი ქონება ვერ დაიკარგება, მას ვერ მოიპარავენ და ვერც გადააგდებენ. გონივრულად ნაყიდი, სრულად გადახდილი და სწორად მართული ქონება ყველაზე უსაფრთხო ინვესტიციაა მსოფლიოში" — ეს სიტყვები ამერიკის შეერთებული შტატების 32-ე პრეზიდენტს, ფრანკლინ რუზველტს, ეკუთვნის და დღემდე არ კარგავს აქტუალობას. 

 

თანამედროვე მსოფლიოში, სადაც ფინანსური ბაზრები მუდმივად მერყეობს, ინვესტირება უძრავ ქონებაში ერთ-ერთი ყველაზე სტაბილური და საიმედო კაპიტალდაბანდებაა. ამ მატერიალური აქტივის ღირებულება დროთა განმავლობაში იზრდება და სტაბილურ ყოველთვიურ შემოსავალს ქმნის. 

 

წარმატებული ინვესტიციისათვის კი, ბაზრის ცოდნა და სწორი სტრატეგიის შერჩევაა საჭირო. სწორედ ამიტომ, ბლოგში უძრავი ქონების დეველოპერული კომპანია ,,არქი” რამდენიმე პრაქტიკულ რჩევას გაგიზიარებთ და საინვესტიციო შესაძლებლობებსაც გაგაცნობთ.

 

ინვესტირება უძრავ ქონებაში - რატომ არის მომგებიანი?

 

მსოფლიოში ერთ-ერთი ყველაზე წარმატებული უძრავი ქონების ინვესტორის, The Corcoran Group-ის დამფუძნებლისა და Shark Tank-ის ჟიურის წევრის, ბარბარა კორკორანის ისტორია უძრავი ქონების რეალურ პოტენციალს ნათლად აჩვენებს. მან ყველაფერი სტუდიოს ტიპის ბინით დაიწყო — დიდი გეგმები არ ჰქონდა, უბრალოდ საცხოვრებელი სჭირდებოდა. რამდენიმე წელში სტუდიოს ფასი გაორმაგდა და პირველი მოგებით ერთოთახიან ბინაში შეძლო გადასვლა, დღეს კი, ნიუ-იორკის ცენტრში, მეხუთე ავენიუზე, 10 ოთახიან პენტჰაუსში ცხოვრობს.

 

 ,,ის პატარა სტუდიო ჩემი ცხოვრების ყველაზე მნიშვნელოვანი შენაძენი იყო.  სწორედ ამ ნაბიჯმა შემიყვანა ამ თამაშში", — ამბობს ბარბარა.

 

ინვესტირება უძრავ ქონებაში სტაბილური შემოსავლითა და ქონების გაზრდილი ღირებულებით ხასიათდება — ესაა მისი მთავარი უპირატესობაც. საცხოვრებელი ფართის გაქირავებით იღებთ იჯარას, რომელიც ყოველწლიურად იზრდება. პარალელურად, ბაზრის ტენდენციების შესაბამისად, ბინისა თუ კომერციული ფართის ღირებულებაც მატულობს. 

 

ამას საქსტატის 2024 წლის IV კვარტლის მონაცემებიც ადასტურებს. ბინების ფასი წინა კვარტლებთან შედარებით 4.7%-ით, წინა წლის ამავე პერიოდთან — 9.8%-ით, ხოლო 2020 წლის საშუალოსთან მიმართებით 54.3%-ით გაიზარდა. და მაინც, ღირს საქართველოში უძრავ ქონებაში ინვესტიცია? ამ მონაცემების საფუძველზე შეიძლება თამამად ითქვას, რომ ბინის ყიდვა თბილისში ერთ-ერთი საუკეთესო საინვესტიციო გადაწყვეტილებაა.

 

უძრავ ქონებაში ინვესტირება ინფლაციისაგან დაგიცავთ. როცა პროდუქტებისა და სერვისების ფასები იზრდება, ქირის ღირებულებაც იმატებს. ამ ფონზე  ვალუტის კურსის არასასიამოვნო რყევები ნაკლებად შესამჩნევია.

 

კიდევ ერთი უპირატესობაა მოქნილობაა. ინვესტირება უძრავ ქონებაში სხვადასხვა სტრატეგიის შერჩევის საშუალებას იძლევა. მაგალითად, შეგიძლიათ ბინა გრძელვადიანად, რამდენიმე თვით ან წლით გააქირაოთ, ან მოკლევადიან სტრატეგიას მიმართოთ და მეიჯარეს ფართი რამდენიმე დღით დაუთმოთ. 

 

უძრავი ქონების შეძენა მშენებლობის საწყის ეტაპზე უფრო მომგებიანია, ვიდრე უკვე დასრულებულ კომპლექსში. ჩვეულებრივ, 1მ²-ის ფასი მშენებლობის ეტაპების მიხედვით განსხვავდება და უფრო იაფია საძირკვლის ჩაყრამდე. შეღავათიან ფასად შეძენილი საინვესტიციო უძრავი ქონება შეგიძლიათ გაარემონტოთ და შემდგომ მომგებიან ფასად გაყიდოთ.

 

ამ სტრატეგიებიდან ზოგჯერ გრძელვადიანი გაქირავება უფრო მომგებიანია, ზოგჯერ — დღიური, სხვა შემთხვევაში კი შეიძლება სწრაფი ყიდვა-გაყიდვა სჯობდეს. წარმატება დამოკიდებულია იმაზე, თუ რამდენად სწრაფად შეამჩნევთ ცვლილებებს და მოერგებით მათ.

 

რა უნდა გაითვალისწინოთ წარმატებული ინვესტიციისათვის?

 

 

ინვესტიციის მომგებიანობა რამდენიმე ფაქტორზეა დამოკიდებული. ეს შეიძლება იყოს მდებარეობა, უბნის განვითარების პერსპექტივა, სწორი ფინანსური გათვლები და ა.შ. 

 

რატომ უნდა გაითვალისწინოთ მდებარეობა?

 

შეგიძლიათ შეცვალოთ სამზარეულო, დაამატოთ საძინებელი, გადააადგილოთ ავეჯი, მაგრამ ვერ შეცვლით უძრავი ქონების მდებარეობას. ბინის ღირებულებას განაპირობებს ისეთი ფაქტორები, როგორიცაა სტრატეგიული ობიექტების სიახლოვე, განვითარებული ინფრასტრუქტურა და სატრანსპორტო კვანძებთან წვდომა. შესაბამისად, წარმატებული ინვესტირების პირველი და, შეიძლება ითქვას, უმთავრესი ფაქტორი სწორედ სტრატეგიული ლოკაციის შერჩევაა.

 

ბინების ფასი უბნების მიხედვით განსხვავდება. მაგალითად, საქსტატის 2024 წლის მონაცემების მიხედვით, თბილისის პერიფერიულ უბანში, კერძოდ სამგორში 1მ² ფასი 3 391 ლარს შეადგენდა მაშინ, როცა ქალაქის ცენტრალურ ნაწილში, ვაკეში ღირებულება 5 451 ლარი იყო. ეს განსხვავება იმ უპირატესობებითაა განპირობებული, რომლებითაც ცენტრალური ლოკაცია ხასიათდება — უკეთესი ინფრასტრუქტურა, საგანმანათლებლო, სამედიცინო გასართობი ცენტრების სიახლოვე და ა.შ. 

 

გააკეთეთ ბაზრის კვლევა და დაგეგმეთ სწორი ინვესტიცია

 

მეორე მნიშვნელოვანი ფაქტორი ბაზრის კვლევაა. ინვესტირება უძრავ ქონებაში მიმდინარე ფასების ცოდნას, ბაზრის ტენდენციებისა და განვითარების შესახებ ინფორმაციის მოძიებას საჭიროებს.  მაგალითად, ახალი სავაჭრო ცენტრის, მეტრო სადგურის ან სკოლის მშენებლობის გეგმები ახლომდებარე უძრავი ქონების ღირებულებას პოტენციურად გაზრდის.

 

თბილისში ამის ნათელი მაგალითია ,,რადიო ქალაქის" პროექტი, რომელიც ყოფილი რადიო ქარხნის ტერიტორიაზე მდებარეობს. პროექტის ამჟამინდელი ინფრასტრუქტურა რესტორანს, პადელის მოედანს, საღონისძიებო და საკონფერენციო სივრცეებს ითვალისწინებს. სამომავლოდ კი ღია სამუშაო სივრცისა და საოფისე ტერიტორიების დამატება იგეგმება. 

 

ამ მასშტაბის პროექტი, რა თქმა უნდა, სრულიად შეცვლის ტერიტორიის იერსახეს და გაზრდის მის მიმზიდველობას როგორც საცხოვრებელი, ისე კომერციული მიზნებისათვის. შესაბამისად, მოსალოდნელია, რომ მიმდებარედ არსებული უძრავი ქონების ღირებულება გაიზრდება. მაგალითად, ,,არქი იასამნები” რადიო ქალაქთან ახლოს შენდება და ამ უბნის ერთ-ერთ მოთხოვნად საცხოვრებელ კომპლექსად უკვე იქცა.

 

ამიტომ, თუ გეგმავთ ინვესტირებას უძრავ ქონებაში, აუცილებლად შეისწავლეთ უბნის სამომავლო განვითარების გეგმები, განსაკუთრებით სტრატეგიული პროექტები. ამ მიდგომით ქონების ფასის ზრდის პერსპექტივის შეფასებას შეძლებთ და ინვესტიციის გრძელვადიან მომგებიანობას განსაზღვრავთ.

 

გააკეთეთ ფინანსური გათვლები

 

ფინანსური გათვლები ერთ-ერთი საკვანძო საკითხია. საჭიროა შეაფასოთ არა მხოლოდ საწყისი ინვესტიცია, არამედ ყველა დამატებითი ხარჯი — რემონტი, დაზღვევა, მართვის საფასური. ამასთან, აუცილებელია ფინანსური უსაფრთხოების ბალიშის შექმნა, რაც გულისხმობს გარკვეული თანხის გადანახვას გაუთვალისწინებელი ხარჯებისთვის.

 

მთავარია, არ აჩქარდეთ. დრო დაუთმეთ ანალიზს, კონსულტაცია გაიარეთ პროფესიონალებთან და მხოლოდ ამის შემდეგ მიიღეთ საბოლოო გადაწყვეტილება.

 

რჩევები შეიძლება ასე შეჯამდეს:

 

• გააკეთეთ საფუძვლიანი ფინანსური გათვლები, გაითვალისწინეთ ყველა ხარჯი და შექმენით ფინანსური ,,ბალიში";
• დეტალურად შეისწავლეთ ბაზარი, მოიძიეთ ინფორმაცია ინფრასტრუქტურისა და განვითარების გეგმების შესახებ;
• შეადგინეთ ბიზნეს გეგმა: გამოთვალეთ ხარჯები და პოტენციური შემოსავლები, გაითვალისწინეთ რისკები და სეზონურობა;
• მოაწესრიგეთ და შეინახეთ ყველა საჭირო დოკუმენტაცია, აწარმოეთ შემოსავალ-ხარჯების აღრიცხვა;
• განსაკუთრებული ყურადღება მიაქციეთ მოიჯარეების შერჩევას, შეამოწმეთ მათი გადახდისუნარიანობა;
• მუდმივად იყავით ინფორმირებული და საჭიროებისამებრ შეცვალეთ საინვესტიციო სტრატეგია. 

 

საინვესტიციო შესაძლებლობები საქართველოში — შემოთავაზებები დეველოპერული კომპანია ,,არქისგან”

 

საინვესტიციო უძრავი ქონების ბაზარზე ,,არქი” ინვესტორებისთვის შესაძლებლობების ფართო სპექტრს ქმნის. ჩვენი პროექტების პორტფოლიო მრავალფეროვანია. დაიწყეთ ინვესტირება უძრავ ქონებაში მცირე ბიუჯეტით ან შეიძინეთ ელიტარული აპარტამენტები პრესტიჟულ ლოკაციებზე. 

 

დამწყები ინვესტორებისთვის განსაკუთრებით საინტერესო უნდა იყოს მშენებარე ბინები ვარკეთილში, სანზონაში, დიღომში, გლდანში, ნაძალადევში და ისანში. აქ უძრავი ქონების ფასი, ცენტრალურ უბნებთან შედარებით, დაბალია. მეტროს სადგურებთან სიახლოვე, განვითარებული ინფრასტრუქტურა და მზარდი სავაჭრო ობიექტები მიმზიდველია როგორც საცხოვრებლად, ისე გასაქირავებლად. ამიტომ, ამ პროექტებში უძრავი ქონების შეძენა დამწყები ინვესტორებისთვის საუკეთესო შესაძლებლობაა.  დაბალი საწყისი ინვესტიცია, მზარდი საიჯარო შემოსავალი და ქონების ღირებულების სტაბილური მატება — აი, რა უპირატესობებს გთავაზობთ ეს სეგმენტი.

 

გამოცდილი ინვესტორებისთვის ვქმნით პრემიუმ კლასის საცხოვრებელ კომპლექსებს თბილისის საუკეთესო ლოკაციებზე —  ,,არქი რივერთაუნი” დიღმის პარკთან, ,,არქი უნივერსი” საბურთალოს ცენტრში, ,,არქი ლისი სანრაიზი” ლისის ტბის მიმდებარედ, ,,არქი რამადა ბათუმი" ახალ ბულვართან და Le Meridien Sioni Lake Resort & Spa სიონის ტბაზე. ეს პროექტები მშენებლობის ხარისხით, არქიტექტურით, მულტიფუნქციური ინფრასტრუქტურითა და კონცეფციითაა გამორჩეული.

 

აქ თავმოყრილია ყველაფერი თანამედროვე ცხოვრებისთვის —  ღია და დახურული აუზები, სპა და ფიტნეს ცენტრები, კინოთეატრი, რეკრეაციული ზონები და კაფეები. 

 

მოიჯარეებისთვის პრიორიტეტი პრესტიჟული მდებარეობა, მაღალი ხარისხი და კომფორტული საცხოვრებელი გარემო გახდა, ამიტომ ,,არქის” პრემიუმ პროექტებში ინვესტირება განსაკუთრებულად მომგებიანია. ამ ლოკაციებზე მოთხოვნა სტაბილურად მაღალია, რაც, როგორც საიჯარო შემოსავლის, ისე თავად ქონების ღირებულების მუდმივ ზრდას განაპირობებს.

 

მიმდინარე და დასრულებული საცხოვრებელი კომპლექსების შესახებ მეტი ინფორმაციისათვის  იხილეთ ,,არქის” დეველოპერული პროექტები ერთ სივრცეში.

 

,,არქირენთი” გაქირავების პროცესს კიდევ უფრო ამარტივებს და გთავაზობთ სერვისს, რომელიც სრულად გაგათავისუფლებთ ქონების მართვასთან დაკავშირებული პროცედურებისაგან. ჩვენ დაგეხმარებით უძრავი ქონების გაქირავებაში, შევარჩევთ მოიჯარეებს და მოვაწესრიგებთ დოკუმენტაციას.

 

გსურთ გაიგოთ მეტი თქვენთვის საინტერესო პროექტის შესახებ? დაგვიკავშირდით — ჩვენი გამოცდილი გუნდი სწორი არჩევანის გაკეთებაში დაგეხმარებათ.