ზაფხული ნამდვილად საუკეთესო დროა სახლის განახლებისა და ცვილებებისთვის, რადგან ეს არის სეზონი, როცა მზეს და სითბოს სახლის ინტერიერში ახალი სიცოცხლე, სიხარული შემოაქვს. თუ გსურთ, რომ თქვენი ბინის ინტერიერი უფრო ნათელი, სუფთა და ენერგიით სავსე იყოს, ჩვენი ბლოგი სწორედ თქვენთვისაა. როგორ უნდა შევქმნათ ზაფხულისთვის შესაფერისი, მყუდრო და სასიამოვნო ინტერიერი? ჩვენ წარმოგიდგენთ რამდენიმე მარტივ იდეას, რომლის დახმარებითაც ამ კითხვას პასუხი გასცემთ და შეძლებთ, რომ თქვენს ბინას ზაფხულისთვის დამახასიათებელი ხიბლი შემატოთ.
ფერების დამატება ინტერიერში
იმისთვის, რომ ბინის ინტერიერი განვაახლოთ ერთ-ერთი ყველაზე მარტივი და ეფექტური გზა არის ფერების გამოყენება. ზაფხულში განსაკუთღებით პოპულარულია მხიარული და ნათელი ფერები: ყვითელი, ლურჯი, მწვანე, ფირუზისფერი. ეს ფერები ენერგიულ და სასიამოვნო ატმოსფეროს ქმნის, რომელიც სწორედ ზაფხულის სეზონს შეესაბამება. თქვენი ბინის ახალი იერსახის შესაქმნელად ფერების გამოსაყენებლად რამდენიმე ელემენტი გამორჩეულად შესაფერისია, ესენია: ბალიშები, გადასაფარებლები, ფარდები და დეკორაციული ნივთები. შეგიძლიათ რომელიმე კონკრეტული ფერი შეარჩიოთ და მოარგოთ არსებულ ინტერიერს, ან რამდენიმე ფერის ნაზავი შექმნათ. რა თქმა უნდა, შესაძლებელია ფერების გამოყენებით უფრო დიდი ცვლილებებიც, მაგალითად: შპალერის შეცვლა, კედლების გადაღებვა თუ კაფელის გამოცვლა.
ბუნებრივი მასალები ინტერიერში
ბინა ზაფხულში უნდა იყოს ჰაეროვანი, რათა ბინის მაცხოვრებლებმა ამ სეზონისგან სრულყოფილი სიამოვნების მიღება შეძლოთ. ბუნებრივი მასალების გამოყენებით, როგორიც არის ხე, ბამბა და სელი შექმნით მყუდრო, თბილ ატმოსფეროს. ხის დეკორაციები და ავეჯი, ბამბის ბალიშები თუ სელის გადასაფარებლები ხელს შეუწყობს ბუნებრივი, სუფთა გარემოს შექმნას. კარგი იდეაა მცენარეების გამოყენებაც, რადგან ამით არა მხოლოდ სილამაზეს შემატებთ თქვენს ბინას, არამედ სუფთა ჰაერსაც უზრუნველყოფთ.
საზაფხულო დეკორი და აქსესუარები
დეკორის და აქსესუარების განახლებას შეუძლია ბინის ინტერიერი უფრო მიმზიდველი გახადოს. დეკორში დაამატეთ ნიჟარები, ზღვასთან ასოცირებული ნივთები, ფერადი სანთლები, საზაფხულო თემატიკის ნახატები ან ფოტოსურათები. ეს ელემენტები თქვენს საცხოვრებელ სივრცეში მეტ სიხარულსა და სიცოცხლეს შემოიტანს. ასევე შეგიძლიათ საზაფხულო ფერების დეკორაციები გამოიყენოთ.
განახლებული ფარდები
ბინის ინტერიერის შეცვლის მარტივი და ეფექტური გზაა ფარდების განახლებაც. გამოიყენეთ ნათელი ფერის, თხელი, გამჭვირვალე ფარდები, რომლებიც მზის შუქს შემოუშვებს სივრცეში. ფარდები არა მხოლოდ გაახალისებს ინტერიერს, არამედ ბუნებრივი განათების ისე დარეგულირებაში დაგეხმარებათ, როგორც ეს თავად გსურთ.
აივნის ინტერიერი
თუ თქვენს ბინას აივანი აქვს, აუცილებლად გამოიყენეთ ეს სივრცე საზაფხულო ინტერიერის შესაქმნელად, რადგან აივანი ზაფხულის გასატარებლად საუკეთესო ადგილია. ამისთვის შეგიძლიათ ამ მეთოდებს მიმართოთ:
- განათავსეთ კომფორტული სავარძლები ან სკამები;
- არ დაგავიწყდეთ კომფორტული, მცირე ზომის მაგიდის განთავსება;
- დაამატეთ მხიარული ფერის ბალიშები და პლედები გრილი საღამოებისთვის;
- აავსეთ აივანი მცენარეებით;
კარგად მოწყობილი აივანი იდეალურია კომფორტული დასვენებისა და გართობისთვის. ეს იქნება სივრცე, სადაც ზაფხულის თბილ თუ გრილ საღამოებს თქვენთვის საყვარელ ადამიანებთან ერთად გაატარებთ და მარტოც შეძლებთ განტვირთვას.
ბუნებრივი განათება
საზაფხულო ინტერიერში ყველაზე მნიშვნელოვანი ბუნებრივი განათებაა, რაც გულისხმობს:
- ფანჯრების მაქსიმალურად გამოყენებას;
- ღია ფერის ან გამჭვირვალე ფარდებს;
- სახლში მზის შუქის მაქსიმალურად შემოშვებას, თუმცა არა თქვენთვის შემაწუხებლად (როგორც ზემოთ აღვნიშნეთ, ფარდები ისე უნდა აარჩიოთ, რომ თავად დაარეგულიროთ მზის შუქის რაოდენობა);
- ასევე, შეგიძლიათ გამოიყენოთ სარკეები, რომლებიც მზის სხივებს აირეკლავს და კიდევ უფრო ნათელს გახდის ბინას;
შეიტანეთ ეს მარტივი ცვლილებები თქვენი ბინის ინტერიერში და მყუდრო გარემოში დატკბით ზაფხულით, რომელსაც მთელი წლის განმავლობაში ველოდებით ყველანი, რათა დასვენება და განტვირთვა შევძლოთ.
არქი ქარდით კი ფასდაკლებით შეძლებთ პარტნიორ მაღაზიებში ყველაფრის შეძენას, რაც ახალი ინტერიერისთვის დაგჭირდებათ, ავეჯი იქნება ეს, დეკორი, აქსესუარები, განათება თუ მცენარეები. ეს არის ფასდაკლების ბარათი, რომელიც არქიში ბინის შეძენისთანავე საჩუქრად გამოგეცემათ და ზემოთ აღნიშნულის გარდა მოიცავს ფასდაკლებას ტექნიკაზე, სარემონტო მასალებზე, ჭკვიანი სახლის აღჭურვილობაზე, ჯანსაღ ცხოვრებასა და სხვადასხვა საჭირო სერვისებზე.