ზამთრის მოახლოებასთან ერთად, ბუნებრვიცია სიცივის დადგომა, რომელიც სახლის მცენარეებისთვის საფრთხეს წარმოადგენს. რა თქმა უნდა, სახლის მცენარეები არ უმკლავდება თოვლს და ქარს, მაგრამ ცივ სეზონზე პირობები სახლშიც იცვლება. შიდა მცენარეებს არ აქვთ იმუნიტეტი იმისთვის, რომ სიცივეს გაუმკლავდნენ და ტემპერატურის რადიკალურ ცვლილებებს გაუძლონ. სწორედ ამიტომ, თქვენ უნდა შეცვალოთ ზრუნვის მეთოდები, რათა მცენარეები ჯანმრთელი იყოს და სამომავლოდ აყვავება შეძლოს. ჩვენს ბლოგში წაიკითხავთ რჩევებს, რომლებიც ზამთარში მცენარის მოვლას გაგიმარტივებთ და დაგეხმარებთ, სიცივის მიუხედავად ჯანმრთელობა შეუნარჩუნოთ.
მცენარის მორწყვა
რაც უფრო მეტ მზის შუქს იღებს მცენარე, მით უფრო მეტი წყალი სჭირდება. ზამთარი კი ნაკლებ მზის შუქს ნიშნავს, ამ დროს ჰაერი უფრო მშრალია და მცენარე თითქმის არ იზრდება, ამიტომ, სახლის მცენარეების მოვლა პირველ რიგში ნიშნავს ნაკლებ მორწყვას. პიდრატაციის შესანარჩუნებლად მცენარეს ნაკლები წყალი სჭირდება, ხოლო ზედმეტი მორწყვა ფესვების ლპობის გამომწვევი მიზეზი შეიძლება გახდეს. ზამთარში ისეთი სახლის მცენარის მოვლა, როგორიცაა გვალვაგამძლე კაქტუსი და სხვა სუკულენტები საერთოდაც მორწყვის შეწყვეტას შეიძლება ნიშნავდეს. ზედაპირული ნიადაგი შესაძლოა უფრო სწრაფად გაშრეს ზამთრის ცივ დღეებშ, მაგრამ ეს სულაც არ ნიშნავს, რომ მცენარეს მორწყვა სჭირდება. შეამოწმეთ მიწა ცოტა უფრო ღრმად. არ გამოიყენოთ ცივი წყალი, არამედ, ოთახის ტემპერატურის, რადგან ონკანის ცივი წყალი მცენარის ფესვების დაზიანებას გამოიწვევს.
ტენიანობა
ზამთარში სახლის გათბობასთან ერთად ტენიანობა ეცემა 10-დან 20%-მდე, ჰაერის სიმშრალე კი მცენარეებს აზიანებს. ქოთნის მცენარეები რომ არ დაზიანდეს ტენიანობა 50%-ს მაინც უნდა აღწევდეს. ტენიანობის ასამაღლებლად გირჩევთ:
- გამოიყენეთ ჰარის დამატენიანებელი მოწყობილობა;
- მოწყობილობის არ ქონის შემთხვევაში, მიმართეთ ტრადიციულ მეთოდს და მცენარეებთან ახლოს თავღია წლის ჭურჭელი მოათავსეთ;
- ერთად დააჯგუფეთ მცენარეები. ნიადაგიდან აორთქლებული წყალი, ისევე, როგორც ფოთლებიდან ბუნებრივად დაკარგული წყალი სხვა მცენარეებისთვის ტენიანობას გაზრდის.
მზის შუქი და ტემპერატურა
როდესაც მცე გვიან ამოდის და ადრე ჩადის, მცენარე ნაკლებ მზის შუქს იღებს, ამიტომ, მოათავსეთ მცენარეები ფანჯარასთან ახლოს. ქოთნები ყოველ კვირას მოაბრუნეთ ¼-ით, რათა ყველა მხარეს მოხვდეს მზის შუქი.
მოერიდეთ ტემპერატურის უკიდურესობას, რადგან უკიდურესმა ცვლილებამ შეიძლება მცენარისთვის დიდი პრობლემები გამოიწვიოს. მოარიდეთ ჰაერის ცივ და ცხელ წყაროებს, როგორიცაა რადიატორები, ბუხრები და სხვა ელექტრო მოწყობილობები.
გაითვალისწინეთ: თუ მცენარე აივნიდან ბინაში შემოიტანეთ და მას ფოთლები დასცვივდა, ნუ შეგეშინდებათ. ფოთოლცვენა სავსებით ნორმალურია, რადგან ამ დროს მცენარეები ოთახში არსებულ განათებასთან ადაპტაციას გადის.
მცენარეების მოვლის სხვა დეტალები
ბლოგის დასაწყისშიც აღვნიშნეთ, რომ ზამთარში მცენარე თითქმის არ იზრდება, შესაბამისად, მისთვის სასუქის მიცემა უნდა შეწყვიტოთ. შემოდგომიდანვე აღარაა საჭირო სასუქი და განახლება მიზანშეწონილია გაზაფხულიდან. წარმოდგიდგენთ დამატებით რჩევებს:
1. სახლის თბილი და მშრალი პირობები მცენარისთვის მავნებელ ბევრ მწერს იზიდავს. პერიოდულად გადაატრიალეთ ფოთლები და შეამოწმეთ ღეროების გასწვრივაც. თუ რაიმე მავნებელს აღმოაჩენთ, სცადეთ ხელით ან ალკოჰოლით დასველებული ბამბით მოშორება.
2. აუცილებლად მიაქციეთ ყურადღება ფოთლების სუსუფთავეს. თუ სპეციალური ხელთათმანი არ გაქვთ, გამოიყენეთ ნესტიანი ქსოვილი.
3. ზამთარში სახლში მეტ დროს ვატარებთ და გვიყვარს ცვლილებების დაწყება. არ არის გამორიცხული, მოგინდეთ მცენარეების გადარგვა. არავითარ შემთხვევაში არ გადარგოთ მცენარე ამ ცივ სეზონზე, რადგან გადასარგავად კარგი დრო სწორედ მაშინაა, როცა მცენარე იზრდება. ზამთარში ფესვები მზად არ არის ახალ ნიადაგსა და ჭურჭელს შეეგუოს. ამ ცვლილებამ შეიძლება მცენარარის სიკვდილიც კი გამოიწვიოს. გადარგვა გადადეთ გაზაფხულზე ან ზაფხულში.
არქი ქარდით პარტნიორ კომპანიებში ფასდაკლებით შეგიძლიათ შეიძინოთ მცენარეები, ყველაფერი, რაც მოსავლელად არის საჭირო და გაიაროთ კონსულტაცია მოვლასთან დაკავშირებით. არქი ქარდი არის ფასდაკლების ბარათი, რომელსაც არქიში ბინის შეძენისთანავე მიიღებთ საჩუქრად და მოიცავს: ტექნიკისა თუ ავეჯის მაღაზიებს, სარემონტო მასალებისა და დეკორის მაღაზიებს, საგანმანათლებლო, გამაჯანსაღებელ ცენტრებს და თქვენთვის საჭირო მრავალფეროვან სერვისებს.