3 ივნისს არქი ცენტრალური პარკის სპორტულ მოედანზე NBA-ის ორგზის ჩემპიონი, ყველასათვის საყვარელი ქართველი კალათბურთელი, არქის ერთ-ერთი დამფუძნებელი ზაზა ფაჩულია არქელ ბავშვებსა და ახალგაზრდებს შეხვდა.
„არქისთვის ძალიან მნიშვნელოვანია ჯანსაღი და სპორტული ცხოვრების პოპულარიზაცია, ამაზე მეტყველებს ეს ძალიან ლამაზი სტადიონიც. დიახ, ასეთი მოედნიდან იწყება სპორტის სიყვარული. პირადად ჩემი ცხოვრება სპორტმა სრულიად შეცვალა და ჩემპიონობასთან ერთად უამრავი დასამახსოვრებელი მომენტი მაჩუქა, მასწავლა გუნდურობა, ლიდერობა და გამომიმუშავა გადაწყვეტილების სწრაფად მიღების უნარი. სწორედ ამიტომ, მშობლებს ყოველთვის ვურჩევ, რომ ბავშვები სპორტზე ატარონ.“ - ზაზა ფაჩულია.
არქელი ბავშვები ზაზა ფაჩულიასთან შეხვედრით ძალიან ბედნიერები იყვნენ. ქართველმა სპორტსმენმა არქელებს კითხვებზე უპასუხა, თავისი კარიერული გამოცდილება გაუზიარა, ავტოგრაფები დაარიგა და ახალგაზრდებთან სამახსოვრო ფოტოებიც გადაიღო.
„ამ ღონისძიებასთან ერთად დღეს გავხსენით არქი ცენტრალური პარკის სპორტული მოედანი. ჩვენ ყველა პროექტში ვცდილობთ, რომ ხელი შევუწყოთ ჯანსაღ ცხოვრებას, როგორც სპორტული ინფრასტრუქტურით, ისე გამწვანებული სივრცეებით. უკვე ბევრ პროექტშია მოწყობილი მოედნები და მომავალშიც აუცილებლად ვიზრუნებთ სპორტულ ინფრასტრუქტურისა თუ გამწვანებული სივრცეების მოწყობაზე“. - არქის დამფუძნებელი ილია წულაია
წარმატებულ სპორტსმენთან შეხვედრის შემდეგ არქელ ბავშვებს შორის სახალისო შეჯიბრი გაიმართა კალათბურთში, გამარჯვებულებს კი სახსოვრად ზაზა ფაჩულიას ავტოგრაფიანი ბურთები გადაეცათ.
„კომპანიების მხრიდან ჯანსაღი ცხოვრების წესის პოპულარიზაცია ახალგაზრდების მოტივაციისთვის ძალიან მნიშვნელოვანია. ზაზა ფაჩულიას სტუმრობაც იმ მიზანს ემსახურება, რომ ახალგაზრდებს მოტივაცია მივცეთ და ჯანსაღი ცხოვრება უფრო პოპულარული გავხადოთ“. - არქის გენერალური დირექტორი შიო ხეცურიანი.
ლიდერი დეველოპერული კომპანია არქისთვის თავის მაცხოვრებლებზე, არქელებზე ზრუნვა მართლაც მთავარი პრიორიტეტია. სპეციალურად არქელებისთვის კომპანიამ უკვე არაერთი მასშტაბური ღონისძიება გამართა და პატარა არქლებისთვისაც მუდმივად აწყობს გასართობ აქტივობებს. მსგავსი ტიპის ღონისძიებები თუ აქტივობები არქისთვის ტრადიციაა და კომპანიაში აცხადებენ, რომ დიდ თუ პატარა არქელებს წინ კიდევ უამრავი სიურპრიზი ელოდებათ.