The Downtown Tbilisi — ლუქს-კლასის ახალი დანიშნულების წერტილი აღმოსავლეთ ევროპაში

The Downtown Tbilisi წარმოადგენს მასშტაბურ პროექტს, რომელიც Archi-სა და Biograpi Living-ის სტრატეგიული პარტნიორობის ფარგლებში ხორციელდება. პროექტი არქიტექტურულად გამორჩეულ ექვს შენობას მოიცავს, რომელთა შორის ინტეგრირებული იქნება საერთაშორისოდ აღიარებული ბრენდირებული საცხოვრებელი რეზიდენციები. კომპლექსის მთავარ სიმბოლოსა და სავიზიტო ბარათს კი Trump Tower Tbilisi წარმოადგენს — დედაქალაქის ყველაზე მაღალი და გამორჩეული არქიტექტურული ნაგებობა.

Trump Tower Tbilisi-ის შესახებ ოფიციალურ განცხადებას შეგიძლიათ გაეცნოთ მოცემულ ბმულზე.

დედაქალაქის გულში — ცენტრალურ, პრესტიჟულ და პრემიუმ ლოკაციაზე სტრატეგიულად განთავსებული The Downtown Tbilisi თბილისის ცენტრალურ პარკზე პანორამული ხედებით გამოირჩევა. პროექტის საერთო სამშენებლო ფართობი დაახლოებით 600,000 კვ. მეტრს შეადგენს, რაც მოიცავს:

• პრემიუმ კლასის ბიზნესცენტრს;
• ლუქს-კლასის სავაჭრო სივრცეებს;
• ლუქს-კლასის ბრენდულ სასტუმროს;
• უმაღლესი დონის რესტორნებსა და პრემიუმ გასართობ სივრცეებს.

The Downtown Tbilisi-ის ჯამური საინვესტიციო მოცულობა დაახლოებით 2 მილიარდ აშშ დოლარს შეადგენს.