ლიდერი დეველოპერული კომპანია არქი გრძელვადიან თანამშრომლობას იწყებს მსოფლიოში ცნობილ არქიტექტორთან - Wei Yap Ooi-სთან. მემორანდუმი 19 ივლისს - არქისა და Wei Yap Architecture-ს შორის ოფიციალურად გაფორმდა. თანამშრომლობის ფარგლებში, არქის ყველა პრემიუმ პროექტს ცნობილი არქიტექტორის თავისი უნიკალური ხედვით შეასრულებს.
ვეი იაპ ოი ავსტრალიაში რეგისტრირებული არქიტექტორია და მრავალი წელია მსოფლიოს სხვადასხვა წერტილში საუცხოო პროექტებს ახორციელებს. მისი პორტფოლიო აერთიანებს უმსხვილეს პროექტებს სხვადასხვა ქვეყანაში, მაგალითად Jurong Lake District Masterplan - სინგაპურში; AAMI Park Stadium - მელბურნში, ავსტრალიაში; Scientia Terrace-Monte Sant’ Angelo Mercy College - სიდნეიში, ავსტრალიაში; Kun Ming Mixed-Use Commercial Development - კუნმინგში, ჩინეთში და სხვა.
თავდაპირველად, არქის კოლაბორაცია ცნობილ არქიტექტორთან ჩაფიქრებული იყო მხოლოდ ერთ პროექტზე. მუშაობის პროცესი ორივე მხარისთვის იმდენად ორგანული და საინტერესო აღმოჩნდა, რომ მომავალში უფრო გრძელვადიან და მასშტაბურ თანამშრომლობაში ითარგმნა.
„ჩვენ ერთად ვცდილობთ წარმოვიდგინოთ როგორი შეიძლება იყოს ეს ქალაქი - ინოვაციური, ადამიანზე ორიენტირებული და მდგრადი. გვსურს სრულად გამოვავლინოთ ჩვენი საერთო პოტენციალი ქალაქის უკეთესი მომავლის შესაქმნელად. ჩემთვის, საქართველოს ბუნება, ურბანული სივრცეები და არქიტექტურული ტრადიციები შთაგონების წყაროა. სწორედ აქ ვნახე შესაძლებლობა, შემექმნა არქიტექტურა, რომელიც აზიის გამოცდილებას ევროპულ ღირებულებებთან გააერთიანებს” - აღნიშნავს ვეი იაპ ოი.
არქისთან კომფორტული თანამშრომლობის გამოცდილებისა და საქართველოში აღმოჩენილი შთაგონების გამო, ვეი ოჯახთან ერთად საქართველოში გადმოვიდა საცხოვრებლად და საკუთარი არქიტექტურული სტუდიაც სწორედ თბილისში გადმოიტანა. საინტერესო არქიტექტურული პროექტების შექმნის მიღმა, ვეი აპი ავსტრალიის არქიტექტორთა ინსტიტუტის საერთაშორისო დეპარტამენტის თავმჯდომარეა და ასევე, აქვს უნიკალური აკადემიური გამოცდილება მსოფლიოს წამყვან უნივერსიტეტებში, რის გაზიარებასაც არქიში, ქართველ პროფესიონალებთან გეგმავს.
„ვეისთან თანამშრომლობა ჩვენთვის შთამაგონებელია, რადგან არქიტექტურა აგვყავს მსოფლიო დონის ხარისხზე. ეს თანამშრომლობა კიდევ ერთხელ უსვამს ხაზს ჩვენს მთავარ მისწრაფებას, შევქმნათ უმაღლესი ხარისხის პროექტები, რომელიც როგორც დიზაინით, ასევე მშენებლობის ხარისხით უალტერნატივოა. სწორედ ვეი იაპის ხედვით დაპროექტდა არქის ახალი მულტიფუნქციური პრემიუმ კომპლექსები ქინგ თამარი და არქი ჰორაიზონი. ასევე, ერთ-ერთი ყველაზე მასშტაბური პროექტი მთელი რეგიონის მასშტაბით, რომლის შესახებაც საზოგადოება სულ მალე შეიტყობს” - ილია წულაია, არქის დამფუძნებელი.
არქის პრიორიტეტი უმაღლესი ხარისხის სამშენებლო პროექტების განხორციელებაა, სადაც მაცხოვრებლები კომფორტული ცხოვრების საუკეთესო გამოცდილებას მიიღებენ. თითქმის 20 წელია არქი საქართველოში საერთაშორისოდ აღიარებულ არქიტექტურულ სტანდარტებს ამკვიდრებს, რომელიც ხარისხით, ფორმითა და ხედვით მომავალზეა ორიენტირებული. ამ ხედვაზე დაყრდნობით, არქიმ ერთ-ერთი ყველაზე გამორჩეული პროექტი სწორედ ვეი იაპ-ს მიანდო, რომელმაც შეძლო და იდეალურად გააერთიანა ქართული ისტორია, კულტურა და ხასიათი არქიტექტურის თანამედროვე პრინციპებთან. სწორედ ეს თანამშრომლობა იქცა არქისა და Wei Yap architecture-ის გრძელვადიანი ურთიერთობის დასაწყისად.