15 ივნისს არქის მაცხოვრებლებისთვის სუხიშვილების გრანდიოზული კონცერტი გაიმართა, სადაც ქართულმა ნაციონალურმა ბალეტმა ეროვნულ იდენტობად ქცეული კომპოზიციები შეასრულა და მაყურებლებს დაუვიწყარი საღამო აჩუქა.
არქის ინიციატივით, ზაფხულის ცხელ საღამოს, ფილარმონიის დიდ საკონცერტო დარბაზში, არქის მაცხოვრებლებს საშუალება ჰქონდათ ენახათ ქართული ნაციონალური ბალეტი სპეციალური პროგრამა, მიეღოთ უნიკალური კულტურული გამოცდილება და დამტკბარიყვნენ ცეკვაში გადმოცემული ქართული ტრადიციებისა და თანამედროვეობის უნიკალური სინთეზით.
“არქიში ჩვენს 45 000-ზე მეტ არქელზე ზრუნვას განსაკუთრებით დიდ ყურადღებას ვუთმობთ და ყოველთვის ვცდილობთ სხვადასხვა სახის აქტივობები შევთავაზოთ. არქისთან ურთიერთობა არ მთავრდება ბინის გასაღების გადაცემით, პირიქით, ჩვენი მიზანია რომ თითოეულმა არქელმა ბედნიერად და კომფორტულად იგრძნოს თავი. ასეთი ღონისძიებები უკვე იქცა ჩვენს საერთო ტრადიციად და ჩვენს მაცხოვრებლებს წინ კიდევ უამრავ სასიამოვნო სიურპრიზს ვუმზადებთ” - არქის გენერალური დირექტორი შიო ხეცურიანი.
წელს ლეგენდარულ ანსამბლს წელს დაარსებიდან 80 წელი შეუსრულდა, ამიტომ საღამოზე წარმოდგენილი იყო მთელი ამ პერიოდის მანძილზე შექმნილი საუკეთესო ქორეოგრაფიული კომპოზიციები.
კომპანია მხოლოდ არქის მაცხოვრებლებისთვის წლებია აორგანიზებს სხვადასხვა გასართობ და კულტურულ აქტივობებს, რაც უკვე არქიში ცხოვრების განუყოფელ ნაწილად იქცა. სუხიშვილები არქელებისთვის არ არის პირველი მასშტაბური ღონისძიება - წლების მანძილზე, კომპანიის ორგანიზებით, მხოლოდ არქელებისთვის გაიმართა ისეთი გამორჩეული ღონისძიებები, როგორიც იყო „ჯიფსი კინგსის“ კონცერტი, ქართული კინომუსიკის შედევრები ნიკოლოზ რაჭველისა და ეროვნული სიმფონიური ორკესტრისგან; მიუზიკლი „ჩიკაგო“ და სხვა
არქის მთავარი პრიორიტეტი არქელებზე ზრუნვაა,რის ფარგლებშიც, კომპანია არაერთი სხვადასხვა ინიციატივით ცდილობს მაცხოვრებლების ყოველდღიურობა კიდევ უფრო კომფორტული გახადოს. უკვე ტრადიციად იქცა ყველა დღესასწაულის ერთად აღნიშვნა და არქელების ერთმანეთთან დაახლოება, ამიტომ კომპანია მომავალშიც განაგრძობს მსგავსი ღონისძიებების ორგანიზებას. აღსანიშნავია, რომ ღონისძიების ბილეთების გაყიდვიდან შემოსული თანხა სრულად მოხმარდა ქველმოქმედებას.