20 და 21 დეკემბერს, ცოტნე დადიანი 32-ში, გრანდ ავენიუ საახალწლო ქალაქად გარდაიქმნება და ექსკლუზიურად არქელებს უმასპინძლებს. ღონისძიება ორივე დღეს 15:00-19:00 საათამდე გაგრძელდება.
საახალწლო ქალაქში სტუმრებს დახვდებათ ჯადოსნური გარემო, სადღესასწაულო შოუ-პროგრამა, გემრიელი ნუგბარი, არქის ტრადიციული საახალწლო საჩუქრები და სხვადასხვა სიურპრიზი. ასევე წარმოდგენილი იქნება George Coby-ის საკოლექციო სათამაშოებით გაფორმებული უნიკალური ნაძვის ხე და 50-მდე ქართველი მეწარმის პროდუქციის გამოფენა-გაყიდვა, რაც არქის სოციალური პასუხისმგებლობის ფარგლებში განხორციელდება.
კობის საკოლექციო ნაძვის ხეს გრანდ ავენიუზე The FINANCIAL & ამერიკის კულტურის ცენტრი არქისთან პარტნიორობით წარმოადგენენ.
George Coby (გრიგოლ კობახიძე) ემიგრანტი ქართველი მეწარმე გახლდათ, რომელიც მე-20 საუკუნის დასაწყისში ამერიკაში მოღვაწეობდა. მან მინის საშობაო დეკორაციების წარმოება დაიწყო და ნაძვის ხე მილიონობით ამერიკელი ოჯახისთვის დღესასწაულის სიმბოლოდ აქცია.
ღონისძიებაზე დასასწრებად სტუმრებისთვის აუცილებელია წინასწარი რეგისტრაცია. რეგისტრაციისთვის უნდა დაუკავშირდნენ არქის პერსონალურ ასისტენტს არაუგვიანეს 18 დეკემბრისა.