არქიმ ორთაჭალაში ოთხვასრკვლავიანი სასტუმრო - ibis Tbilisi City გახსნა. ibis წარმოადგენს მაღალხარისხიანი და ხელმისაწვდომი სასტუმროების ლიდერი ბრენდის - Accor-ის ჯგუფში შემავალ ბრენდს, რომელიც ქვეყნის ტერიტორიაზე 12 სასტუმროს მოიცავს.
აღსანიშნავია, რომ Accor-მა ibis Tbilisi City შეაფასა, როგორც ახალი თაობის, ყველაზე თანამედროვე და პრესტიჟული სასტუმრო მათ მიერ გახსნილ ibis-ის ბრენდის სასტუმროებს შორის. პროექტი ფუნქციურობასთან ერთად გამოირჩევა ესთეტიური დიზაინით, რომელიც განსაკუთრებული გემოვნებითაა გადაწყვეტილი და ინტერიერის დეტალები ფერებს ჰარმონიულად ეხამება.
ibis Tbilisi City არის არქისა და Accor-ის პირველი ერთობლივი პროექტი, რომელსაც არქი ჰოსფითალითი - არქის ჰოლდინგში შემავალი კომპანია მართავს. პროექტში ჯამურად ჩადებულია 45 მილიონი ლარის ინვესტიცია, ხოლო ამ პროექტის გარდა, არქი სხვა ბრენდული სასტუმროებსაც აშენებს, როგორიც არის სიონში Le Meridien Sioni lake resort & spa by Archi, სადაც 200 მილიონი ლარის ინვესტიცია ჩაიდო და იდეალურია, რათა საინვესტიციო ქონება მომგებიან აქტივად აქციოს.
ibis Tbilisi City სულ რაღაც 20 წუთის გზაზეა საერთაშორისო აეროპორტიდან, ხოლო დამსვენებლებს აძლევს საშუალებას, მიიღონ ევროპული სტანდარტის მომსახურება. თანამედროვე ინფრასტრუქტურა, ისტორიული მდებარეობა, კომფორტული ნომრები, შეხვედრებისთვის გამოყოფილი მულტიფუნქციური სივრცეები, უგემრიელესი სამზარეულო და ფიტნეს დარბაზი მთლიანობაში იდეალურ სივრცეს ქმნის როგორც ტურისტული, ისე საქმიანი მოგზაურობისა და შეხვედრებისთვის.
ibis Tbilisi City-ში სულ 156 თანამედროვე და კომფორტული ნომერია Premium, Superior, Double, Twin, and Accessible კლასში წარმოდგენილი. აქვეა დიდი მოცულობის ოთხი საკონფერენციო ოთახი, რომლებსაც 100-მდე სტუმრის მიღება შეუძლია და მოწყობილია კომფორტული შეხვედრებისა თუ სპეციალური ღონისძიებებისთვის. სტუმრებს ბარ-რესტორანი MARILI გამორჩეული კერძებს სთავაზობს, ფიტნეს დარბაზში კი ვარჯიშითა და ჯანსაღი ცხოვრებით დაინტერესებულ სტუმრებს იდეალური სივრცე დახვდებათ.
არქის პორტფლეში 2025 წლიდან უკვე ibis-იც შევა ადგილობრივ თუ საერთაშორისო სასტუმროებთან, აპარტოტელებთან და სხვა, უამრავ საინტერესო დეველოპერულ პროექტებთან ერთად, რომლებიც ხორციელდება როგორც თბილისში, ისე ბათუმსა და მთის კურორტებზე.