არქის მოწვევით, 24–25 აპრილს საქართველოს ჰარვარდის ბიზნესის სკოლის წამყვანი პროფესორი და ერთ-ერთი გამორჩეული ეკონომისტი – Das Narayandas ესტუმრა. ინიციატივის ფარგლებში, მან ორდღიანი ტრენინგი ჩაატარა არქის გუნდთან თემაზე Strategic Leadership and Marketing Excellence Program.
„ვიმუშავე არქის გუნდთან ერთად და ნამდვილად აღფრთოვანებული ვარ მათი მაღალი ინტელექტუალური შესაძლებლობებით, აქ ნამდვილად ძალიან ჭკვიანი ადამიანები და თავიანთ საქმეში მსოფლიო კლასის პროფესიონალები მუშაობენ. გვქონდა დიდებული საუბრები და ვორქშოფები. მიხარია, რომ ჩამოვედი, ნამდვილად შესანიშნავი დრო გავატარე არქის გუნდთან ერთად და გმადლობთ ამ შესაძლებლობისთვის.“ – Das Narayandas, ჰარვარდის ბიზნესის სკოლის პროფესორი და ეკონომისტი.
ორდღიანი ტრენინგი ჩატარდა არქის მენეჯმენტის გუნდისთვის, რომელიც სპიკერის გამოცდილების გაზიარებასთან ერთად, მოიცავდა ინტენსიურ ტრენინგებს, სხვადასხვა ბიზნესქეისების ანალიზს, ლექციებსა და ინტერაქციულ სამუშაო ფორმატს. გარდა ამისა, მოეწყო ერთდღიანი ვირქშოფი სპეციალურად ყველა თანამშრომლისა და პარტნიორისთვის, სადაც მათ მოისმინეს სფეროს წამყვანი ექსპერტის ხედვა და გამოცდილება.
„მოხარულები ვართ, რომ ჰარვარდის ბიზნესის სკოლის წამყვანი პროფესორი Das Narayandas ჩამოვიდა საქართველოში და ჩვენს გუნდთან ერთად ჩაატარა ტრენინგი. ეს დაგვეხმარება, უფრო მეტად გავაუმჯობესოთ ჩვენი ბრენდი, მომსახურების ხარისხი და დავნერგოთ თანამედროვე მიდგომები ჩვენს სფეროში, რაც კიდევ უფრო გააძლიერებს არქის პოზიციებს.” — არქის დამფუძნებელი, ილია წულაია.
არქიში თანამშრომლების პროფესიული ზრდაზე ზრუნვა და მათი მხარდაჭერა ერთ-ერთი უმთავრესი პრიორიტეტია. ეს მიდგომა, გუნდის წევრებს აძლევს შესაძლებლობას, რომ მონაწილეობა მიიღონ მათთვის საინტერესო სასწავლო კურსებსა და ტრენინგებში კომპანიის დაფინანსებით, რომელიც მიმართული იქნება როგორც პიროვნული, ასევე პროფესიული განვითარებისკენ.
„სასიხარულოა, რომ ჰარვარდის გამორჩეული პროფესორი საქართველოშია და საკუთარ ცოდნასა და გამოცდილებას გვიზიარებს. ეს გვაძლევს შესაძლებლობას, რომ კიდევ მეტად დავხვეწოთ მიდგომები, უფრო განვვითარდეთ და მეტი ცოდნა შევიძინოთ ლიდერშიფის, მარკეტინგისა თუ კომპანიის მართვის მიმართულებით.“ — აღნიშნა დეველოპერული კომპანია არქის აღმასრულებელმა დირექტორმა, შიო ხეცურიანმა.
Das Narayandas ჰარვარდის ბიზნესის სკოლის წამყვანი პროფესორი და ცნობილი ეკონომისტია ბიზნესის, მარკეტინგისა და ლიდერობის სფეროში. ფლობს Edsel Bryant Ford-ის სახელობის პროფესორის წოდებას, არის ჰარვარდის ბიზნეს ფაბლიშინგის უფროსი ასოცირებული დეკანი და Executive Education-ის ყოფილი ხელმძღვანელი. მისი ვიზიტი არქის ინიციატივით განხორციელდა იმისათვის, რომ ხელი შეეწყო კომპანიის სტრატეგიული ხედვის განხორციელებას — რომელიც ეფუძნება მუდმივ განვითარებას, ხარისხის სრულყოფას და ლიდერობის განმტკიცებას სამშენებლო და დეველოპერულ სფეროში.