გიორგი მამარდაშვილი და თორნიკე შენგელია „გრანდ ავენიუს“ ინვესტორები გახდნენ

საქართველოს ეროვნული ნაკრებისა და „ლივერპულის“ მეკარე გიორგი მამარდაშვილი და საქართველოს კალათბურთის ნაკრების კაპიტანი თორნიკე შენგელია დეველოპერული კომპანიის არქი მასშტაბური პროექტის, გრანდ ავენიუს, ინვესტორები გახდნენ.

თორნიკე შენგელია აღნიშნავს, რომ ეს მისთვის ერთ-ერთი ყველაზე მნიშვნელოვანი ინვესტიციაა - “ეს პროექტი ნათელი მაგალითია იმისა, თუ როგორი უნდა იყოს თანამედროვე და მაღალი ხარისხის საცხოვრებელი კომპლექსი,“ - აცხადებს ეროვნული ნაკრების კაპიტანი.

გიორგი მამარდაშვილიც პროექტში ინვესტორისა და ბიზნესპარტნიორის სტატუსით ერთვება და ფინანსურ ინვესტიციას თავისი წილის პროპორციულად განახორციელებს.

„ეს ჩემი პირველი ინვესტიციაა და ძალიან მნიშვნელოვანი ნაბიჯია. ვინც შემოგვიერთდება მომავალში, ყველა იამაყებს „გრანდ ავენიუს“ პროექტით. აქ ნამდვილი ქალაქის ახალი ცენტრი იქმნება. დარწმუნებული ვარ, რომ ერთად დიდ წარმატებას მივაღწევთ“, – აღნიშნავს გიორგი მამარდაშვილი.

არქისთვის გიორგი მამარდაშვილთან და თორნიკე შენგელიასთან თანამშრომლობა კიდევ ერთხელ უსვამს ხაზს პროექტის მნიშვნელობას და გვჯერა - დიდ წარმატებას მივაღწევთ ერთად.