28 ოქტომბერს არქი საბურთალოს კომპლექსში არქიმ ეზოს წვეულება მოაწყო, სადაც არქელებმა დრო სასიამოვნოდ გაატარეს და კომპლექსის ეზო ერთად გაამწვანეს. გამწვანება არქის პრიორიტეტებიდან ერთ-ერთია და კომპანია ხშირად აწყობს გამწვანების ღონისძიებებს.
ეზოს წვეულებაზე პატარა არქელებისთვის გასართობი აქტივობები, ბამბის ნაყინი, პოპკორნი, ბავშვების საყვარელი სხვადასხვა გემრიელობები და სადღესასწაულო ტორტი იყო. გარდა იმისა, რომ არქელები, როგორც არქის დიდი ოჯახის წევრები შეიკრიბნენ და დრო სასიამოვნოდ გაატარეს, საცხოვრებელი კომპლექსის ეზოს გამწვანებაში მიიღეს მონაწილეობა. პატარა არქელები გამწვანების აქტივობაში ყოველთვის ჩართულები არიან და ძალიან უყვართ.
არქისთვის ტრადიციაა თავისი დიდი ოჯახის წევრებზე ზრუნვა. კომპანიამ არქელებისთვის უკვე არაერთი მასშტაბური ღონისძიება გამართა, სადაც მათ ერთმანეთის უკეთ გაცნობა და დაუვიწყარი მოგონებების დაგროვება შეძლეს. აღსანიშნავია, რომ არქი ყველა დღესასწაულზე თავის მაცხოვრებლებს პირადად ურიგებს საჩუქრებს და საცხოვრებელ კომპლექსებში საზეიმო ღონისძიებებს აწყობს. არქისთვის ყველაზე მთავარი პირორიტეტი სწორედ არქელებზე ზრუნვაა და კომპანია თავის მაცხოვრებლებს სამომავლოდ კიდევ ბევრ დაუვიწყარ სიურპრიზს უმზადებს.