არქიში ერთ დღეში რეკორდული რაოდენობის 201 ბინა გაიყიდა.

26 აპრილს, არქი რუსთავის საცხოვრებელი კომპლექსის დიდი ფასდაკლების დღეზე, ერთ დღეში ყველა დროის რეკორდული რაოდენობის 201 ბინა გაიყიდა და არქის დიდ ოჯახს 750-მდე ახალი არქელი შეუერთდა.

არქის დიდი ფასდაკლების დღე ტრადიციაა, რომელიც უკვე წლებია იმართება სხვადასხვა პროექტის საცხოვრებელი ბლოკის მშენებლობის დაწყებამდე. ეს დღე მომხმარებლებს უნიკალურ შანს აძლევს, არქის ახალ პროექტში სასურველი ბინა ძალიან დაბალ ფასად შეიძინონ. აღსანიშნავია, რომ ბინის ღირებულება ამ დღის შემდეგ ასეთი დაბალი აღარ იქნება, ხოლო ფასდაკლება სხვა დროს აღარ განმეორდება. არქი რუსთავის კომპლექსში ამ ეტაპზე მიმდინარეობს A ბლოკის მშენებლობა, ხოლო სულ მალე დაიწყება B და C ბლოკების მშენებლობა. სწორედ ამ ბლოკების ბინებზე მოეწყო დიდი ფასდაკლება, რაც დაინტერესებულ მომხმარებლებს შესაძლებლობას აძლევდა სახლი უპრეცედენტო ფასად შეეძინათ.

“26 აპრილი არქისთვის მნიშვნელოვანი თარიღი იყო, რადგან გვესტუმრა უამრავი ადამიანი და ერთ დღეში 201 ბინა გაიყიდა, რაც კომპანიისთვის ახალი რეკორდია. არქი რუსთავი კომპანიის პირველი პროექტია რუსთავში, რომელიც არა მხოლოდ შექმნის თანამედროვე და კომფორტულ საცხოვრებელ გარემოს, არამედ მნიშვნელოვნად გააუმჯობესებს ცხოვრების სტილს რუსთავში“ — არქის გენერალური დირექტორი შიო ხეცურიანი.

არქი რუსთავი ქალაქის ერთ-ერთ საუკეთესო ადგილას - გ. ლეონიძის #38-ში მდებარეობს და ახლოს აქვს ყველა საჭირო ობიექტი. საცხოვრებელი კომპლექსი აერთიანებს 8 საცხოვრებელ სახლს, ფიტნეს დარბაზს, 10 000 კვ.მ გამწვანებულ ეზოს, საბავშვო და სპორტულ ზონას, კომერციულ სივრცეს, ღია და დახურულ ავტოსადგომს.

26 აპრილს, არქის ფილარმონიის ოფისში, დიდი ფასდაკლების დღე გასართობი ღონისძიებით გაფორმდა. ღონისძიებას არქელების მეგობარი, დუტა სხირტლაძე უძღვებოდა, რომელმაც თითოეულ ახალ მაცხოვრებელს კომპანიის წარმომადგენლებთან ერთად შენაძენი საზეიმო ვითარებაში მიულოცა.

არქის უმთავრესი პრიორიტეტი არქელების კომფორტზე და მათ ბედნიერად ცხოვრებაზე ზრუნვაა. ლიდერი დეველოპერული კომპანია უახლოეს მომავალში კიდევ უამრავ ახალ გამორჩეულ პროექტს, შეთავაზებას და ღონისძიებას უმზადებს არქელებს და არამხოლოდ.