არქიმ ხარისხის მენეჯმენტის საერთაშორისოდ აღიარებული სტანდარტი - ISO 9001:2015 წარმატებით დანერგა. აღნიშნული სისტემა მიზნად ისახავს ორგანიზაციაში მართვის სტრუქტურიზირებული მიდგომის კიდევ მეტად დახვეწას, რაც გულისხმობს შიდა პროცესების გაუმჯობესებას, ეფექტიანობის ზრდასა და მომხმარებლისთვის მაღალი ხარისხის პროდუქტისა თუ სერვისის სტაბილურად უზრუნველყოფას.
საერთაშორისო სტანდარტი - ISO 9001:2015 ორგანიზაციებს სთავაზობს მართვის სტრუქტურირებულ ჩარჩოს, რომელიც ეფუძნება პროცესებსა და რისკებზე დაფუძნებულ მიდგომას. სისტემის ძირითადი ამოცანებია:
- მომხმარებლის კმაყოფილების დონის ამაღლება;
- პროცესებსა და რისკებზე დაფუძნებული მართვის მოდელის დანერგვა;
- საოპერაციო ეფექტიანობისა და მუდმივი განვითარების მხარდაჭერა;
- თანამშრომელთა აქტიური ჩართულობა და ლიდერშიფის როლის გაძლიერება;
- მონაცემებზე დაფუძნებული გადაწყვეტილებების მიღების ხელშეწყობა.
ISO-ს დანერგვის პროცესში ჩართული იყო სერტიფიცირების საერთაშორისო ორგანო – TÜV NORD
ხარისხის მენეჯმენტის სტანდარტის დანერგვის პროცესში, არქიმ სერტიფიცირების ეტაპი გაიარა მსოფლიოში ერთ-ერთი ყველაზე სანდო და ცნობილ საერთაშორისო სერტიფიცირების ორგანოს – TÜV NORD-თან პარტნიორობით. ორგანიზაციის მონაწილეობით ჩატარდა სასერტიფიკატო აუდიტი, რომლის წარმატებით გავლის შემდეგ, ლიდერ დეველოპერულ კომპანიას ოფიციალურად 3 წლის ვადით მიენიჭა აღნიშნული სერტიფიკატი. TÜV NORD-ს აკრედიტაცია მინიჭებული აქვს გერმანიის ეროვნული აკრედიტაციის ორგანოს – DAkkS-ის მიერ, შესაბამისად, მის მიერ გაცემული სერტიფიკატის სანდოობა აღიარებულია საერთაშორისო დონეზე. პროცესში, ასევე ჩართული იყო კომპანია „შპს მენეჯმენტის სისტემები“, რომელმაც უზრუნველყო კონსულტაციები და სტანდარტის მოთხოვნებთან შესაბამისობა.
რატომ არის მნიშვნელოვანი ISO 9001?
მსოფლიოში ISO 9001 ყველაზე ფართოდ გამოყენებადი ხარისხის მენეჯმენტის სტანდარტია და მიმდინარე წლის მონაცემებით, 190-მდე ქვეყანაში გაცემულია ერთ მილიონზე მეტი სერტიფიკატი. ის ეკუთვნის ISO 9000-ის ოჯახს, რომელიც მოიცავს შვიდ ხარისხის მენეჯმენტის პრინციპს, მათ შორის მომხმარებელზე ფოკუსსა და უწყვეტ გაუმჯობესებას. აღსანიშნავია, რომ ISO 9001 ამ ოჯახის ერთადერთი სტანდარტია, რომელსაც სერტიფიცირება აქვს.
ისეთი სტანდარტის დანერგვა, როგორიც ISO 9001:2015-ია, არქისთვის წარმოადგენს მნიშვნელოვან ეტაპს მაღალი ხარისხის, სტაბილური განვითარებისა და პროცესების გამჭვირვალობის მიმართულებით. აღნიშნული სისტემის დანერგვით, კომპანია უფრო მეტად აძლიერებს თავის პოზიციონირებას, როგორც ხარისხზე, განვითარებასა და სტაბილურობაზე ორიენტირებული ბრენდი.