არქი რეზო თურნავას სახელობის ციფრული განათლების ფონდის მხარდამჭერი გახდა

არქი მხარს უჭერს ნეო უნივერსიტეტ სქილვილის ახალ ინიციატივას, რომლის ფარგლებშიც რეზო თურნავას სახელობის ციფრული განათლების ფონდი დაარსდა. ფონდის მიზანია ციფრული განათლების მიღება დაუფინანსოს ისეთ ადამიანებს, ვისაც ამის ფინანსური საშუალება არ აქვთ.

13 მარტს, სასტუმრო პულმანში ფონდის პრეზენტაცია გაიმართა, რომელსაც არქის წარმომადგენლები ესწრებოდნენ. ღონისძებაზე სიტყვით გამოვიდა არქის გენერალური დირექტორი.

„ჩვენ ყოველთვის აქტიურად ვართ ჩართულები ინოვაციურ, საინტერესო და საზოგადოებისთვის საჭირო პროექტებში. მოხარულები ვართ, რომ მოგვეცა შესაძლებლობა ამ ფონდის დონორები ვიყოთ და განათლების მიღებაში, ახალი კარიერული გზის დაწყებაში დავეხმაროთ იმ ადამიანებს, ვისაც ამის საშუალება არ აქვთ.“ - არქის გენერალუტი დირექტორი შიო ხეცურიანი.

არქისთვის ერთ-ერთი გამოწვევა ციფრული ტრანსფორმაციაა, ამიტომ, კომპანია ფონდის მიერ დაფინანსებული და გადამზადებული ადამიანების დასაქმებასაც მაქსიმალურად ხელს შეუწყობს.

„ქვეყნისთვის მსგავსი ფონდის არსებობა მნიშვნელოვანია, რადგან აიტი სერვისების ექსპორტიდან შემოსულმა თანხამ 1,8 მილიარდი ლარი შეადგინა, ხოლო ამ სფეროში დასაქმებული მხოლოდ 14 000 ადამიანია, რაც საერთო სამუშაო ძალის 1%-ია. ფონდი ხელს შეუწყობს, რომ ამ მიმართულებით მეტი ადამიანი დასაქმდეს.“ - სქილვილის თანადამფუძნებელი გიორგი მარიამიძე.

არქი ერთი წელია ნეო უნივერსიტეტ სქილვილთან თანამშრომლობს. პარტნიორობის ფარგლებში ლიდერი დეველოპერული კომპანია არქელებს სწავლის საფასურის 50%-ს უფინანსებს. უკვე არაერთმა არქელმა შეარჩია მომავლის პროფესიებიდან სასურველი და წარმატებით დაასრულა სწავლა. არქი მაღალი სოციალური პასუხისმგებლობის მქონე კომპანიაა, ყოველთვის მხარს უჭერს განვითარებას, ჩართულია საინტერესო და ინოვაციურ პროექტებში, ასევე, ხელს უწყობს ქვეყანაში კულტურის, სპორტისა თუ სხვა სფეროების განვითარებას. კომპანიაში აცხადებენ, რომ მომავალშიც აქტიურად დაუდგებიან გვერდში მნიშვნელოვან ინიციატივებსა თუ პროექტებს.