ზამთრის დასრულებამდე სულ ცოტა დრო დარჩა, რაც ნიშნავს, რომ ბუნების გამოღვიძება თქვენი სახლის ინტერიერსაც უნდა დაეტყოს. ერთ მარტივ დეტალს შეუძლია თქვენს სახლში გაზაფულის მოყვანა და ატმოსფეროს სრულიად შეცვლა. ეს დეტალია ყვავილის დიზაინი ინტერიერში, რომლის გამოყენებაც სხვადასხვანაირად შეგიძლიათ. ჩვენს ბლოგში წაიკითხავთ იდეებს, თუ როგორ გამოიყენოთ ინტერიერში ხელოვნური, გამხმარი ყვავილები თუ ყვავილების გამოსახულებები.
ხელოვნური და გამხმარი ყვავილები ინტერიერში
ხელოვნურ და გამხმარ ყვავილებს ორი პლუსი აქვს, არ ჭირდება წყალი და ძალიან დიდი ხანი ძლებს. ამასთან ერთად, თუ სეზონური ყვავილები გიყვართ, სანამ ბუნებრივი ყვავილები შემოვა შეგიძლიათ ხელოვნურით ან გამხმარით ჩაანაცვლოთ, სულაც ორივენაირი შეურიოთ ერთმანეთს. წამოგიდგენთ სამ იდეას, როგორ უნდა გამოიყენოთ ხელოვნური ყვავილები სახლში:
1. თქვენი სახლის ინტერიერის მარადიული ყვავილებით გალამაზების პირველი და ყველაზე მარტივი გზა თაიგულის გამოყენებაა. შეურიეთ გამხმარი და ხელოვნური ყვავილები, ააწყვეთ თაიგუი და მოათავსეთ ლარნაკში. ლარნაკს მიაქციეთ ყურადღება და შეარჩიეთ ინტერიერის შესაფერისი, ყველაზე ნეიტრალური გამჭვირვალე ლარნაკია.
2. კიდევ ერთი მშვენიერი გზა სახლის მარადიული ყვავილებით გასაფორმებლად მისი გამჭვირვალე ჭურჭელში მოთავსებაა. ეს ხერხი ინტერიერში ბოჰემურ სტილს შემოიტანს. თქვენ შექმნით დეკორაციას, რომელიც გაუძლებს დროს, მოერგება ნებისმიერ ინტერიერს და ყოველთვის მიიქცევს ყურადღებას. ჭურჭელი შეგიძლიათ თქვენი სურვილისა და გემოვნების მიხედვით აირჩიოთ.
3. თუ აღმოაჩენთ, რომ თაიგულები და ჭურჭელში მოთავსებული მარადიული ყვავილები თქვენს გემოვნებას არ პასუხობს, გთხავაზობთ ყვავილების გვირგვინს. გვირგვინის გამოყენება შესაძლებელია, როგორც კარზე, ისე კედელზე და კარადაზე. განტვირთვის ძალიან კარგი საშუალებაა გვირგვინის თავად აწყობა, თუმცა გამზადებულის შეძენაც შესაძლებელია.
ყვავილების გამოსახულებები ინტერიერში
ყვავილების „პრინტი“, ანუ გამოსახულება ათწლეულებია ინტერიერის დიზაინის მოდიდან არ გადადის. პირიქით, უფრო მეტად ტრენდული და მოთხოვნადი ხდება. ფერის, ტექსტურისა და მასტაბის სწორად შერჩევით ადვილად მოუხდენთ ყვავილების გამოსახულებებს სახლის ინტერიერს. ამ მიზნის მიღწევა შესაძლებელია საწოლის გადასაფარებლებით, შპალერით, ავეჯითა და ვაზებით.
- თუ ყვავილის გამოსახულება დიდი მასშტაბისაა, დანარჩენი სივრცე მარტივი უნდა იყოს, სადა ფერების. ეს იმისთვისაა, რომ ყვავილის „პრინტი“ სხვა დეკორთან არ გადაიკვეთოს. ყვავილების პატარა გამოსახულებები კი შეგიძლიათ გამოიყენოთ სხვადასხვა ნივთზე, სახლის მთელ ტერიტორიაზე, მაგალითად ბალიშების ან ვაზების მეშვეობით.
- ყველა კედელზე ყვავილებიანი შპალერი შეიძლება გადაჭარბებული იყოს, ამიტომ კარგი იდეაა ერთ კედელზე გამოიყენოთ ყვავილის გამოსახულება და დანარჩენი კედლები მას შეუხამოთ.
- ყვავილების გამოსახულება შეიძლება იქცეს ხელოვნების ნიმუშად, რომელიც ნეიტრალურ გარემოში გამოიკვეთება. კედელზე გამოიყენებთ ყვავილებს, თუ ნივთებში ყურადღება მიაქციეთ, რომ საერთო სურათი იქმნებოდეს ინტერიერში და ყვავილები დანარჩენ ინტერიერს დინამიურად უკავშირდებოდეს.
- გადამწყვეტი მნიშვნელობა აქვს იმის დადგეას, თუ რა სახის გავლენა გსურთ იქონიოს ყვავილებმა. ჩვენი რჩევაა, გამოიყენოთ პასტელური ფერები და დელიკატური დიზაინი, რაც ესთეტიკას შექმნის. ყვავილების ბევრი გამოსახულება თქვენს ოთახს მიმზიდველ, ვიქტორიაულ სტილს მიანიჭებს, ხოლო ყვავილების მინიმალური რაოდენობის გამოსახულება და კონტრასტულ ფერებთან შერწყმა თანამედროვე იერსახეს მისცემს.
ცოცხალი ყვავილები
აი, მივედით ცოცხალ ყვავილებამდე. რა თქმა უნდა, ნამდვილი, ცოცხალი ყვავილები შეუდარებელია და ცოტა რამ თუ შეიძლება არსებობდეს მასზე ლამაზი. როცა ინტერიერის გასაფორმებლად ბუნებრივ ყვავილებს ირჩევთ, ყველაზე მნიშვნელოვანია სწორად შეარჩიოთ ლარნაკი. ფერად, დიდ თაიგულს სადა ლარნაკი უხდება, ხოლო ნეიტრალური ფერის და მცირე რაოდენობის ყვავილებს შეგიძლიათ ექსტრავაგანტური ლარნაკი შეურჩიოთ. რა ადგილასაც არ უნდა განათავსოთ ცოცხალი ყვავილები ყველგან ლამაზი და შთამბეჭდავი იქნება, თუმცა შემოსასვლელში საოცარ შედეგს მოგცემთ. სახლში შემოსვლისას მისასალბელად, კარგი განწყობის შესაქმნელად იმაზე უკეთეზი გზა არ არსებობს, როგორიც ყვავილების დახვედრებაა.
არქი ქარდით კი გამწვანების პარტნიორ კომპანიებში ფასდაკლებით შეძლებთ შეიძინოთ თქვენთვის სასურველი ყვავილები ან გაიაროთ კონსულტაცია სპეციალისტებთან. ეს არის ფასდაკლების ბარათი, რომელიც არქიში ბინის შეძენისთანავე გადმოგეცემათ საჩუქრად. გარდა გამწვანების კომპანიებისა ფასდაკლებით ისარგებლებთ ავეჯის, ტექნიკის, დეკორის მაღაზიებში და მიიღებთ სხვადასხვა კომპანიისგან თქვენთვის საჭირო მომსახურებებს.