14 თებერვალი მსოფლიოს მრავალ ქვეყანაში მნიშვნელოვან დღედ მიიჩნევა. ვალენტინობა, ანუ სიყვარულის დღე მეხუთე საუკუნიდან აღინიშნება. ეს არის გამორჩეული თარიღი, როცა წყვილები ცდილობენ ერთმანეთი გაახარონ, განსხვავებულად აუხსნან სიყვარული და 14 თებერვალი ლამაზ დღედ აქციონ. საუკეთესო დღეა ხელის თხოვნისთვის, რომანტიკული ვახშმისთვისა და შეყვარებული მეგობრების დასაპატიჟებლად. არ აქვს მნიშვნელობა, რომანტიკულ ვახშამს გეგმავთ, თუ მეგობრებისთვის წვეულება უნდა მოაწყოთ, სახლის დეკორაციები ორივე შემთხვევაში გამოგადგებათ. ჩვენს ბლოგში წაიკითხავთ რჩეველს, რომლებიც დაგეხმარებათ სახლი ისე მოაწყოთ მიერ მოცემული რჩევებით სახლს მოაწყობთ ისე, რომ ვალენტინობის დღე ლამაზი, დასამახსოვრებელი იყოს და აღფრთოვანება გამოიწვიოს ყველა იმ ადამიანში, რომელიც თქვენი სახლის დეკორაციას იხილავს.
როგორ გავხადოთ სახლი რომანტიკული?
თქვენ შეგიძლიათ რამდენიმე მარტივი რჩევის გათვალისწინებით სახლი რომანტიკულ, შთამბეჭდავ სივრცედ გარდაქმნათ. პირველ რიგში საფუძვლიანად დაასუფთავეთ ბინა, რათა ყურადღება იმაზე გამახვილდეს, რაც მართლა მნიშვნელოვანია. გამოიყენეთ ჩვენი რომელიმე რომანტიკული იდეა თქვენი გრძნობების გამოსახატად. შექმენით თბილი ატმოსფერო სასიამოვნო სურნელით, რბილი საბნებით ან ბალიშებით და რომანტიკული მუსიკით. თქვენ შეგიძლიათ მოაწყოთ ვალენტინობის წვეულება, რისთვისაც წითელი ან ვარდისფერი დეკორაციები და გულის ფორმის დესერტები დაგჭირდებათ. მეგობრებს თუ თავიანთი საყვარელი კერძების მოტანას თხოვთ, წვეულება კიდევ უფრო მრავალფეროვანი გამოვა. წარმოგიდგენთ რამდენიმე იდეას შთაგონებისთვის:
1. შექმენით საკუთარი კაფე - გადააქციეთ თქვენი სასადილო ოთახი რომანტიკულ კაფედ. გაშალეთ მაგიდა ელეგანტურად, გამოიყენეთ სანთლები და ამობეჭდეთ მენიუ. მენიუ ისეთი დეტალია, რომლის დახმარებითაც პარტნიორს აჩვენებთ, თუ როგორ ზრუნავთ გარემოს გარდაქმნაზე.
2. ყურადღება მიაქციეთ განათებას - მოციმციმე განათებას შეუძლია ნებისმიერი გარემო მეტად მყუდრო და ინტიმური გახადოს. აქციეთ ვალენტინობის დღე დასამახსოვრებელი რომანტიკული განათებით. გამოიყენეთ თბილი და მკრთალი განათება.
3. აირჩიეთ შესაფერისი დეკორაციები - ჩამოკიდეთ გულის ფორმის გირლანდები და კუპიდონით შთაგონებული ნივთები. რამდენიმე გააზრებულმა დეკორაციამ შეიძლება საოცარი გარემო შექმნას. გააცოცხლეთ მოგონებები საერთო ფოტოების ამობეჭვდით, რომელსაც დეკორაციის ნაწილად აქცევთ.
საძინებლის მოწყობა ვალენტინობის დღისთვის
ამ გამორჩეულ დღეს მთელი სახლის დეკორაცია ძალიან მნიშვნელოვანია, თუმცა თუ საძინებლის მორთვას აპირებთ, განსაკუთრებულ ყურადღებასა და მონდომებას საჭროებს:
- იმის საჩვენებლად, თუ როგორ განვითარდა თქვენი გრძნობები საუკეთესო საშუალებაა ყვავილების გამოყენება. საძინებელი მორთეთ ყვავილებით და ვარდის ფურცლებით. დაამატეთ სიყვარულის სიმბოლოები, როგორებიცაა ტიტები და წითელი ვარდები.
- საძინებლის გასანათებლად შეარჩიეთ ვარსკვლავის ფორმის განათება ან მანათობელი სტიკერები. ეს შექმნის ღამის ცის იმიტაციას, რაც რომანტიკის განუყოფელი ნაწილია. თეთრეული კი უმჯობესია თხელი და ნაზი ქსოვილის გამოიყენოთ, მაგალითად აბრეშუმი.
დეკორაციის 6 იდეა ვალენტინობის დღისთვის
თქვენი სახლის გასალამაზებლად და რომანტიკული ატმოსფეროს შესაქმნელად გიზიარებთ სიყვარულის დღესთან დაკავშირებულ რჩეულ იდეებს. ეს დეკორაციები არა მხოლოდ შთაბეჭდილებას მოახდენს, არამედ ყველა მნახველს შეუქმნის რომანტიკულ განწყობას.
1. ხის პატარა გულები მარტივად გამოსაყენებელი და ლამაზია. ლენტებით შეგიძლიათ სხვადასხვა ადგილას დაკიდოთ, მაგალითად კარის სახელურებზე.
2. თუ სახლის მცენარეები გაქვთ, ქოთნები შეფუთეთ ყვავილებიანი და გულებიანი გამოსახულების ნაჭრით ან საჩუქრის შესაფუთი ქაღალდით.
3. ლამაზი გვირგვინი დეკორაციისთვის ყოველთვის კარგი იდეაა. თუ გამხმარი ყვავილების გვირგვინს აირჩევთ, უფრო დიდი ხანი გაძლებს და სახლს სასიამოვნო იერსახესაც მისცემს.
4. დახვეწილი დიზაინის, ვარდისფერი ან წითელი სახელობითი ბარათები განალაგეთ მაგიდაზე. ეს ბარათები გამოგადგებათ წვეულებისთვისაც და რომანტიკული ვახშმისთვისაც.
5. ბუშტების გარეშე ვალენტინობის საღამო ისეთი არ იქნება, როგორიც უნდა იყოს. ამიტომ, დეკორაციაში დაამატეთ ვარდისფერი ბუშტები.
6. ვარდისფერ-წითელი ბანერი მაშინვე მიიქცევს ყურადღებას და სადღესასწაულო განწყობას შექმნის.
არქი ქარდით კი პარტნიორ მაღაზიებში ფასდაკლებით შეძლებთ დეკორაციისთვის საჭირო ნებისმიერი ნივთის შეძენას. ეს არის ფასდაკლების ბარათი, რომელიც ყველა არქელს ბინის შეძენისთანავე საჩუქრად გადაეცემა. არქი ქარდით შესაძლებელია ფასდაკლებით ავეჯის, ტექნიკის, დეკორისთვის საჭირო სხვადასხვა ნივთების შეძენა და ბევრი საჭირო მომსახურებით სარგებლობა.