ზაფხულის მოსვალა სიხარულთან და სითბოსთან ასოცირდება, თუმცა შინაური ცხოვებელებისთვის ეს სეზონი დისკომფორტის შემქმნელია და თითოეული მათგანი სპეციალურ ზრუნვას საჭიროებს. თუ ცხოველები ბინაში გყავს, ეს ბლოგი სწორედ შენთვისაა. ჩვენს ბლოგში წაიკითხავთ რჩევებს იმის შესახებ, რა უნდა გაითვალისწინოთ და როგორ უნდა მოუაროთ პატარა მეგობრებს, რათა ზაფხულის მწველი სიცხეების დროს უსაფრთხოდ და კომფორტულად იგრძნონ თავი, რაც მთავარია, არ დაუზიანდეთ ჯანმრთელობა.
👉 შეთავაზება მათთვის, ვისაც ბინის ყიდვა თბილისში სურს.
ტემპერატურის კონტროლი და კვება ზაფხულში
ზაფხული ცხოველებისთვის მაღალი ტემპერატურის გამო სახიფათო და დისკომფორტის შემქმნელია. რადგან ქალაქებში მდებარე ბინები გამოირჩევა ზაფხულში მაღალი ტემპერატურით, განსაკუთრებული ყურადღება სჭირდებათ შინაურ ცხოველებს. რა უნდა გავითვალისწინოთ შინაური ცხოველის მოვლისას?
- ზაფხულში ერთ-ერთი უმნიშვნელოვანესი საკითხი ტემპერატურის კონტროლია. დარწმუნდით, რომ ბინაში ტემპერატურა არ არის ზედმეტად მაღალი. აუცილებლად გამოიყენე ჰაერის გასაგრილებელი სისტემებიდან რომელიმე, რათა შინაური ცხოველისთვის კომფორტული პირობები შექმნა. თუ ბინა კარგად გაგრილებული არ არის, კატებისთვის და ძაღლებისთვის, ზაფხულის სიცხე გადახურების საფრთხეს ქმნის.
- ცხოველებს სიცხის დროს მეტი წყალი სჭირდებათ. ამიტომ, უზრუნველყავი, რომ შინაურ ცხოველს მუდმივად ჰქონდეს სუფთა და ცივ წყალთან წვდომა. ასევე, რეკომენდირებულია წყლის ხშირი ცვლა სისუფთავის და სიგრილის შესანარჩუნებლად
- არ შეშინდე, თუ შინაური ცხოველი ცოტას ჭამს. ზაფხულის სიცხის დროს ცხოველებს ხშირად მადა ეკარგებათ. არ დააძალო ჭამა, არამედ მიეცი ხშირ-ხშირად და ნაკლები დოზა. ამ ხერხით საჭმლის გაფუჭებასაც აარიდებ თავს.
- მაღალი ტემპერატურისას შინაური ცხოველისთვის ხშირი აბაზანები შეიძლება შვება იყოს. თუ ძაღლი გყავს, რეგულარული აბაზანები დაეხმარება გაგრილებასა და სისუფთავის შენარჩუნებაში. კატებს ძირითადად წყლის ეშინია, მაგრამ თუ შენს კატას აბაზანის არ ეშინია ეს მეთოდი მისი სხეულის ტემპერატურის დარეგულირებაშიც დაგეხმარება.
დასასვენებელი და სათამაშო სივრცეები
ზაფხულში შინაური ცხოველის დასასვენებელ და სათამაშო სივრცეებსაც მეტი ყურადღება უნდა მიაქციო:
- მაღალი ტემპერატურისას დასვენებისათვის შინაურ ცხოვრელებს უფრო მეტი კომფორტული სივრცეები სჭირდებათ. შექმენი ბინაში სხვადასხვა ადგილი, სადაც შენი პატარა მეგობარი შეძლებს დასვენებასაც და განტვირთვასაც. კატებისთვის ამაღლებული, ჩრდილიანი ადგილებია საჭირო, ხოლო ძაღლებისთვის გასაგრილებელი, პატარა ხალიჩაც საკმარისია. აუცილებლად მიაქციე ყურადღება, რომ შერჩეულ ადგილებს მზე არ ადგებოდეს, რადგან ცხოველს თუ ჩაეძინა და მწველმა მზემ დიდი ხნით მიანათა მისთვის სერიოზულად დამაზიანებელი შეიძლება იყოს.
- შეგიძლია გამოიყენო სხვადასხხვა გასაგრილებელი სათამაშო. მაგალითად, მშვენიერი გასართობია ყინულის ნატეხებ ან სპეციალურად ცხოველებისთვის შექმნილი გასაყინი სათამაშოები. ეს ცხოველს გართობასთან ერთად გაგრილებაშიც დაეხმარება. თავი შეიკავეთ წებოვანი და დნობადი სათამაშოების მიცემისგან.
- სიცხის მიუხედავად შინაურ ცხოველებს აქტიურობა სჭირდებათ, თუმცა მაღალი ტემპერატურის გამო შეიძლება დაეზაროთ. ამიტომ, სათამაშო სივრცის სწორად შერჩევას დიდი მნიშვნელობა აქვს. ცხოველი გაასეირნე დილაობით ან საღამოს, როცა ტემპერატურა შედარებით დაბალია.
ზაფხულში ცხოველების პარაზიტებისგან დაცვა
ბინები ქალაქში, ერთი შეხედვით დაცულია პარაზიტებისგან თუმცა, ზაფხულში პარაზიტების, კერძოდ ტკიპებისა თუ ბაღლინჯოების საფრთხე საკმაოდ იზრდება და არც ბინაშია შინაური ცხოველი მათგან დაცული. რეგულარულად შეამოწმე შინაური ცხოველი, განსაკუთრებით ძაღლი, რადგან ხშირად გაგვყავს გარეთ. ასევე, გამოიყენე შესაბამისი დაცვა და ნებისმიერი ეჭვის შემთხვევაში, აუცილებლად მიმართე ვეტერინარს.
დიახ, ზაფხულის სიცხე შინაური ცხოველებისთვის დამატებით გამოწვევებსა და საფრთხეებს აჩენს, მაგრამ სწორი ზრუნვითა და ყურადღებით მათი უსაფრთხოებისა თუ კომფორტის უზრუნველყოფას აუცილებლად მოახერხებ.
რადგან ზაფხულში შინაური ცხოველების კვებასაც განსაკუთრებული ყურადღება სჭირდება, შეიძლება სპეციალისტთან კონსულტაციაც დაგჭირდეს. არქი ქარდით კი ფასდაკლებით ისარგებლებ შინაური ცხოველების კვებასა და ნუტრიციულ მომსახურებაზე. არქი ქარდი ფასდაკლების ბარათია, რომელიც ყველა არქელს არქიში ბინის შეძენისთანავე საჩუქრად გადაეცემა და მოცავს ფასდაკლებებს სხვადასხვა ბრენდულ მაღაზიაში, საგანმანათლებლო და გამაჯანსაღებელ ცენტრებში, მრავალფეროვან სერვისებსა და მომსახურებებზე.