სახლის ორგანიზება ძალიან მნიშვნელოვანია. ეს არ ნიშნავს უბრალოდ მოწესრიგებულობას, არამედ გავლენა აქვს ჩვენს ჯანმრთელობაზე, რადგან კვლევებით დასტურდება, რომ გარემო მოქმედებს განწყობაზე, გონების ფუნქციონირებასა და ნერვულ სისტემაზე. ამბობენ, მოწესრიგებული სახლი, მოწესრიგებული გონებააო. შესაბამისად, არ უნდა დაგვენანოს დრო საკუთარი ბინის მოწესრიგებისთვის. ამასთან ერთად, როგორი ეფექტური და ლამაზიც არ უნდა იყოს სახლის დიზაინი, მოუწესრიგებლობის შემთხვევაში ყველანაირ ეფექტს კარგავს. ჩვენს ბლოგში წაიკითხავთ რჩევებს, რომლებიც სახლის სწორად და ეფექტურად ორგანიზებაში დაგეხმარებათ.
1. სწორი მიდგომა და ნივთების დაჯგუფება
მთელი სახლის ორგანიზება შეიძლება რთული იყოს, ამიტომ სწორი მიდგომაა თითო ოთახის საფუძვლიანად დალაგება.
- ნუ დაიტვირთავთ თავს ყველაფრის გამოლაგებით, უმჯობესია დაიწყოთ მცირედით და კონცენტრირდეთ ერთი კონკრეტული ადგილის დალაგებაზე. ყურადღებით შეაფასეთ ნივთები, დაფიქრდით, როდის გამოიყენეთ ბოლოს და რითიც დიდი ხანია არ გისარგებლიათ გააჩუქეთ ან დაასაწყობეთ.
- ნივთების დაჯგუფება და დახარისხება მნიშვნელოვანია, აადვილებს სივრცის ზონირებას. გამოყავით ადგილები ჩასაცმელად, მაკიაჟის გასაკეთებლად და ა.შ. ადგილის გამოყოფა სასიამოვნო ნაკადის განცდას ქმნის სივრცეში. როდესაც სივრცე შეზღუდულია ეს ზონები გადაიკვეთება, დაბნეულობის თავიდან ასარიდებლად ერთმანეთის მსგავსი ნივთები კონტეინერებში ან კალათებში მოათავსეთ.
2. საძნებლის და ზედაპირების მოწესრიგება
საძინებლის მოწყობა უმჯობესია კარადით დაიწყოთ, რადგან ტანსაცმლის, ფეხსაცმლისა და აქსესუარების მოწესრიგება გადამწყვეტია. გაიადვილეთ ტანსაცმლის პოვნა, სპეციალური ადგილი გამოყავით იმ ტანსაცმლისა და ნივთებისთვის, რომლებსაც ყოველდღიურად იყენებთ. დაათვალიერეთ კარადა და ფუნქციები თქვენ სასარგებლოდ გამოიყენეთ: თუ ბევრი თარო გაქვთ ნაჭრის სათავსოები ან ყუთები გამოიყენეთ და მაღალი კარადის შემთხვევაში დაკიდეთ შიგნით საკიდები. ხოლო, როცა ზედაპირების ორგანიზებას დაიწყებთ, დატოვეთ მინიმალური რაოდენობის ნივთები, რომლებსაც აუცილებლად ხშირად გამოიყენებთ.
3. სამზარეულოს მოწესრიგება
სამზარეულოს ორგანიზებას აზრი ეკარგება საკვების შენახვის ოწესრიგებული სისტემის შემუშავების გარეშე. იმის ცოდნა, თუ რომელი კერძი თუ პროდუქტი სად გაქვთ განთავსებული გაგიმარტივებთ ყოველდღიურობას. ამაში დაგეხმარებათ გამჭვირვალე, ეტიკეტიანი კონტეინერები. ასევე, არსებობს ასეთი მეთოდი - FIFO, რომელიც თარიღის მიხედვით პროდუქტის განლაგებას გულისხმობს. ახალი პროდუქტი თავსდება შიგნით, ხოლო რასაც შედარებით მალე გასდის ვადა წინ უნდა მოთავსდეს. ეს მეთოდი თავიდან აგარიდებთ არეულობას და მაცივრის ნარჩენებისგან მარტივად დაცლაში დაგეხმარებათ. სამზარეულოს ორგანიზებისთვის ძალიან კომფორტულია უჯრების აქტიურად გამოყენება, სადაც ნებისმიერი აქსესუარის, სუნელებისა თუ ჭურჭლის განთავსებაა შესაძლებელი. არეულობის თავიდან ასარიდებლად დაახარისხეთ ნივთები და გამოიყენეთ უჯრის გამყოფები.
4. წიგნების განლაგება
წიგნების თარო შესანახი ადგილის გარდა შეიძლება გამოიყენოთ, როგორც დეკორაციის ნაწილი. არ არსებობს კონკრეტული სქემა თუ მიდგომა წიგნების ორგანიზებისთვის, თუმცა თქვენ შეგიძლიათ თქვენზე მორგებული სისტემა შეიმუშავოთ და დაალაგოთ ანბანის, ჟანრის, ფერის, სიმაღლის მიხედვით ან სხვ. გირჩევთ, რომ წიგნები ერთმანეთს არ მიატყუპოთ და სივრცე დატოვოთ, რათა წიგნის ამოღება უფრო მარტივი იყოს.
5. ვერტიკალური სივრცე და მრავალფუნქციური ავეჯი
ვერტიკალური სივრცე მაქსიმალურად უნდა გამოიყენოთ, მათ შორის კარის უკანა ნაწილიც კი. ვერტიკალური სივრცის ათვისებაში დაგეხმარებათ კედლის საკიდები, რომლის გამოყენებაც შეგიძლიათ, როგორც კედლის უკან, ისე კარადებშიც.
ხელმისაწვდომი სივრცის მაქსიმალურად გამოსაყენებლად და კარგად ორგანიზებისთვის უპირატესობა მიანიჭეთ მრავალფუნქციურ ავეჯს. მაგალითად, საწოლი, რომელსაც სათავსოები აქვს, კეცვადი მაგიდა და სხვ. იფიქრეთ, როგორ შეიძლება აქციოთ უკვე არსებული ავეჯი მრავალფუნქციურად, წიგნების პატარა კარადაზე შესაძლებელია სანათის დადება და ტუმბოდ გამოყენება. თუ ახალი ავეჯის შეძენა არ გსურთ, თქვენს ავეჯს მოუფიქრეთ სხვადასხვა გამოყენება, ეს დაგიზოგავთ ადგილსაც და დეკორაციების ცვლილებასაც გამოიწვევს.
არქი ქარდით კი პარტნიორ მაღაზიებში ფასდაკლებით შეძლებთ ყველაფრის შეძენას, რაც სახლის ორგანიზებისთვის და დეკორისთვის დაგჭირდებათ. ეს არის ფასდაკლების ბარათი, რომელიც არქიში ბინის შეძენისთანავე საჩუქრად გადმოგეცემათ. ბარათით სარგებლობა შესაძლებელია, როგორც ავეჯის, ტექნიკისა და სამშენებლო მასალების მაღაზიებში ასევე, სპორტულ, სილამაზის თუ საგანმანათლებლო ცენტრებში. ბარათის წარდგენით ფასდაკლებას მიიღებთ თქვენთვის საჭირო სხვადასხვა მომსახურებასაც.