სამზარეულო სახლის ის ნაწილია, რომელსაც ყველაზე ხშირად ვიყენებთ. ამიტომ, ძალიან მნიშვნელოვანია მისი სწორად მოწყობა. იმისთვის, რომ შენი სამზარეულო ფუნქციურთან ერთად კომფორტულიც იყოს, ამ ბლოგში გამოვყავით შეცდომები, რომლებიც არ უნდა დაუშვა სამზარეულოს მოწყობისას.
სამზარეულოს სივრცეში წარმოსახვითი სამკუთხედის შესახებ თუ არ გსმენია, გეტყვით, რომ ეს არის კონცეფცია, რომელიც სამზარეულოს ეფექტურად მოწყობისთვის გამოიყენება. კონცეფციის მიხედვით სამზარეულოს სამი ელემენტი, ქურა, ნიჟარა და მაცივარი ისე უნდა განალაგო, რომ მათ შორის გავლებული წარმოსახვითი ხაზები სამკუთხედს ქმნიდეს. მსგავსი განლაგებით მოწყობილ სამზარეულოში საქმიანობა მარტივი და ეფექტური იქნება. არსებობს სამზარეულოები, სადაც მხოლოდ ერთი კედელია, მაგრამ ამ შემთხვევაშიც შესაძლებელია ეფექტურობის მიღწევა, თუ ამ სამ ელემენტს ერთმანეთისგან მოშორებით განათავსებ.
საკმაოდ გავრცელებული შეცდომაა ვენტილაციისთვის ნაკლები ყურადღების მიქცევა. აუცილებლად აირჩიე სწორი ზომის გამწოვი, რადგან ჯანმრთელობისთვისა და კომფორტისთვისაც მნიშვნელოვანია, რომ სამზარეულოში ჰაერი გაიფილტროს და სუნი არ დადგეს.
კიდევ ერთი შეცდომა, რომელიც არ უნდა დაუშვა სათავსოებისთვის მცირე ადგილის გამოყოფაა. სამზარეულოს ხელახლა მოწყობა არც ისე მარტივი და ბიუჯეტურია, ამიტომ, თავიდანვე დაგეგმე როგორი ტიპის სათავსოები შეიძლება დაგჭირდეს და ინტერიერის მოწყობისას საკმარისი ადგილი გამოყავი ამისთვის. არ დაგავიწყდეს, გაითვალისწინო, რომ ნაგვის ურნისთვის ცალკე სათავსო დაგჭირდება, ეს შეიძლება ნიჟარის ქვეშ მოთავსებული კარადა იყოს.
არ შეარჩიო სამზარეულოს კარადა ფასის მიხედვით, ყურადღება გაამახვილე ხარისხზე. სამზარეულოს კარადა საერთო იერსახეზე ძალიან დიდ გავლენას ახდენს და რადგან ძალიან აქტიურად ვიყენებთ, უხარისხო მალე გაცვდება. მისი შეცვლა კი შეიძლება იმაზე ძვირი დაგვიჯდეს, ვიდრე შერჩევისას გაკეთებული ეკონომია იყო.
ყველაფერს, რაც სამზარეულოს მოსაწყობად დაგჭირდება არქი ქარდით ფასდაკლებით შეიძენ. არქი ქარდი არის ფასდაკლების ბარათი, რომელიც ყველა არქელს არქიში ბინის შეძენისთანავე საჩუქრად გადაეცემა.
