აღდგომის კვირა ის დროა, როცა ოჯახის წევრები თუ მეგობრები ტრადიციულად ვიკრიბებით და რელიგიურ დღესასწაულს ერთად აღვნიშნავთ. იმის მიუხედავად, ველით თუ არა სტუმრებს ყოველთვის გვსურს, რომ სახლი დღესასწაულის და სეზონის შესაფერისად გამოიყურებოდეს. ჩვენს ბლოგში წაიკითხავთ რჩევებს და იდეებს, როგორ უნდა შექმნათ და გამოიყენოთ სააღდგომო დეკორაციები, რომელიც ამ ბრწყინვალე დღესასწაულის განწყობას შემოიტანს თქვენს სახლში.
როგორ გავაწყოთ სააღდგომო სუფრა
აღდგომის დღესასწაულის უმნიშვნელოვანესი ნაწილია სააღდგომო სუფრა. წარმოგიდგენთ სუფრის რამდენიმე დეკორაციას:
1. ცოტა რამეს შეუძლია სააღდგომო განწყობის შექმნა ისე, როგორც პასტელურ ფერებშიი შეღებილ კვერცხებს. შეღებეთ კვერცხები ვარდისფრად, ყვითლად და ლურჯად, ჩაალაგეთ ღია ფერის თასში და მოათავსეთ სუფრაზე.
2. თუ სააღდგომო სუფრის ისეთ დეკორაციას ეძებთ, რომელიც ბუნებას უკავშირდება, საუკეთესო გადაწყვეტილებაა თეთრ თეფშებზე ფრინველის ხელოვნური ბადის გამოყენება. ბუდეში ჩადეთ მცირე ზომის კვერცხები, ხოლო დანა-ჩანგალი მოათავსეთ ჩალისგან დამზადებულ ჩასადებში.
3. პასტელური ვარდისფერი არის ფერი, რომელიც შეგიძლიათ სხვადასხვა ფერთან დააკავშიროთ. სუფრის გასაწყობად გამოიყენეთ ვარდისფერი სანთლები, ვარდისფერი ყვავილები და შეეცადეთ ჭურჭლის ნაწილიც იყოს ვარდისფერი.
4. სააღდგომო დეკორაციის მთავარი ელემენტი კურდღელია. ბევრი გზა არსებობს სუფრაზე კურდღლის გამოყენების, თუმცა თუ თქვენ მარტივ გზას ეძებთ შეგიძლიათ გამოიყენოთ ჭურჭელი კურდღლის ილუსტრაციებით და გააფორმოთ მაგიდა მინიმალისტური ქანდაკებებით.
5. თეფშის პერსონალურ დასაფენს მნიშვნელოვანი როლი აქვს ნებისმიერ სადღესასწაულო სურფრაზე. გარდა იმისა, რომ იცავს მთავარ გადასაფარებელს ლაქებისა და ნამცეცებისგან, ასევე დიდი გავლენა აქვს სუფრის დეკორაციაზეც. შეარჩიეთ აღდგომის თემატიკის პერსონალური დასაფენი ისე, ოღონდ ყურადღება გაამახვილეთ იმაზე, რომ საერთო ინტერიერიდან ამოვარდნილი არ იყოს.
6. აღდგომის დღესასწაულზე სიმბოლური დატვირთვა აქვს ცხვარს, რომელსაც ძირითადად დეკორაციაში ნამცხვრის სახით იყენებდნენ ხოლმე. თუმცა დღესდღეობით უკვე ცხვრის ფორმის აქსესუარებიც გამოიყენება ხოლმე დეკორაციად. თქვენ შეგიძლიათ სურვილისამებრ მიჰყვეთ ტრადიციებს და ნამცხვარი გამოიყენოთ, ან თანამედროვე გზას მიმართო და შეარჩიოთ თუნდაც ცხვრის გამოსახულებიანი ხელსახოცები.
იდეები სააღდგომო დეკორაციისთვის
ერთ-ერთი მარტივი გზა სახლში საგაზაფხულო და სააღდგომო განწყობის შესაქმნელად ინტერიერში კლასიკური თემების ჩართვაა. სააღდგომო აქსესუარები, როგორიცაა გირლანდები, თაიგულები და დეკორატიული კვერცხები საუკეთესო არჩევანია. ჩვენ აქსესუარების რამდენიმე იდეას გაგაცნობთ, რომელთა დიდი ნაწილის თავად დამზადებაც შეგიძლიათ.
1. ჩამოსაკიდებელი აქსესუარი - თუ სახლში ბავშვი გყავთ ამ აქსესუარის გაკეთების პროცესში შეიძლიათ ჩართოთ, ძალიან იხალისებს. შპრიცით კვერცხს გამოაცალეთ ცილა და გული, შეღებეთ კვერცხები სასურველ ფერებად, მიამაგრეთ ლენტები ისე, რომ შექმნათ მარყუჟი. კვერცხები ჩამოკიდეთ ლარნაკში მოთავსებულ ცოცხალ, აყვავებულ ტოტზე.
2. ტიტები და ნარცისები - გაზაფხულსა და აღდგომას ისე არაფერი უხდება, როგორც ნათელი, ფერადი ნარცისების და ტიტების თაიგული. ულამაზესი თაიგული გაალამაზებს სასადილო მაგიდის ცენტრალურ ნაწილს და მისაღებ ოთახსაც.
1. სასანთლე - საღებავით დაფერილი კვერცხის ფორმის ხის სასანთლეები შესანიშნავი საშუალებაა თაროების გასაფორმებლად. ასევე გამოგადგებათ ბუხრის გასაფორმებლად. თუ სუფრაზე სანთლების დანთებას აპირებთ ჩვენი ხის სასანთლეები ამ შემთხვევაშიც გამოგადგებათ. სახლის ნებისმიერ წერტილში შემოიტანს სააღდგომო განწყობას.
2. კურდღლის გირლანდი - სადღესასწაულო განწყობის შექმნის ძალიან კარგი გზაა კურდღლის ფორმის ფერადი გირლანდი. ამ აქსესუარის დამზადებაც თავად შეგიძლიათ მუყაოს ან მყარი ქაღალდის გამოყენებით. ეს გირლანდი შეგიძლიათ გამოიყენოთ სხვა დღესასწაულებზეც, მაგალითად ბავშვის დაბადების დღეზეც. ზოგადად, კურდღელი დღესასწაულთან, დადებით ემოციებთან და კეთილდღეობასთან ასოცირდება.
3. კვერცხის გირლანდი - კვერცხის გირლანდები მზადდება ზუსტად იგივე პრინციპით, როგორითაც „ჩამოსაკიდებელი აქსესუარი“. სასურველი ფერებით შეღებილი კვერცხები ერთმანეთთან ლენტით დააკაშირეთ, შემდეგ კი შეგიძლიათ გამოიყენოთ, როგორც სურათის ჩარჩოზე, ისე თაროსა და კარადაზე. ნებისმიერ შემთხვევაში შექმნით სააღდგომო, სადღესასწაულო განწყობას.
სააღდგომო დეკორაციების თქვენით დამზადებას თუ ვერ ახერხებთ არქი ქარდით ფასდაკლებით შეგიძლიათ შეიძინოთ პარტნიორ მაღაზიებში. ეს არის ფასდაკლების ბარათი, რომელიც ყველა არქელს არქიში ბინის შეძენისთანავე გადაეცემა საჩუქრად. არქი ქარდით შესაძლებელია ფასდაკლებით სარგებლობა დეკორის, ტექნიკის, ავეჯის, სარემონტო მასალების მაღაზიებში და მიიღოთ თქვენთვის საჭირო სხვადასხვა მომსახურება.