შეარჩიეთ და შეიძინეთ ,,არქის” პრემიუმ აპარტამენტები თბილისში, ბათუმსა და სიონში. ისარგებლეთ თქვენზე მორგებული გადახდის პირობებით და გახდით უძრავი ქონების მფლობელი პრესტიჟულ ლოკაციაზე.
პრემიალური საცხოვრებელი კომპლექსები მაღალი ხარისხის პროექტებია, რომლებიც პრესტიჟულ მდებარეობას, მულტიფუნქციურ ინფრასტრუქტურას, კომფორტსა და მაღალ საინვესტიციო შესაძლებლობებს აერთიანებს.
საქართველოში ამ კონცეფციას დეველოპერული კომპანია ,,არქი” ამკვიდრებს და ქვეყნის სხვადასხვა წერტილში პრემიუმ აპარტამენტებს აშენებს.
პრემიუმ აპარტამენტები - რა განასხვავებს მას სხვა პროექტებისაგან?
რით განსხვავდება პრემიუმ აპარტამენტი ჩვეულებრივი ბინისაგან? ერთი შეხედვით მარტივი შეკითხვაა, თუმცა პასუხი მრავალ ნიუანსს მოიცავს.
პრესტიჟული მდებარეობა
არსებობს სამი რამ, რაც უძრავ ქონებაში თითქმის ყველაფერს წყვეტს, ესენია: მდებარეობა, მდებარეობა და კიდევ ერთხელ — მდებარეობა. /ჰაროლდ სემუელ
პრემიალური უძრავი ქონების მთავარი უპირატესობა გამორჩეული მდებარეობაა. როგორც წესი, ეს საცხოვრებელი კომპლექსები ქალაქის პრესტიჟულ უბნებში შენდება. იქ, სადაც თავს იყრის კულტურული, საგანმანათლებლო და გასართობი სივრცეები. მნიშვნელოვანია ისიც, თუ როგორი ხედი იშლება ფანჯრიდან.
მრავალფუნქციური ინფრასტრუქტურა
პრემიუმ კომპლექსები დამატებითი სერვისების გარეშე წარმოუდგენელია და ხშირად აერთიანებს ყველაფერს, რაც კომფორტული ცხოვრებისთვისაა საჭირო — სპორტული და გასართობი ზონები, რეკრეაციული სივრცეები, აუზი, ფიტნეს დარბაზი და ა.შ.
პრემიუმ საცხოვრებელი კომპლექსები უზრუნველყოფილია 24 საათიანი დაცვით და სამეთვალყურეო სისტემების დახმარებით უწყვეტი მონიტორინგი მიმდინარეობს. შედეგად, მაცხოვრებელთა სიმშვიდე და კომფორტი გარანტირებულია.
მშენებლობის ხარისხი
პრემიუმ პროექტების მშენებლობისას მხოლოდ საერთაშორისო სტანდარტების შესაბამისი, ეკოლოგიურად სუფთა და ენერგოეფექტური მასალები გამოიყენება. მაგალითად, ,,არქის” პრემიუმ აპარტამენტები თბილისში, ბათუმსა და სიონში, YTONG-ის ბლოკებით შენდება. ბეტონის ჩვეულებრივ სამშენებლო ბლოკთან შედარებით, ის გათბობა-გაგრილებისათვის 40%-ით ნაკლებ ენერგიას მოიხმარს. გარდა ამისა, იზრდება შენობის უსაფრთხოების სტანდარტიც — YTONG ხანძარმედეგი და სეისმური აქტივობის შემთხვევაშიც უფრო მტკიცეა.
გამორჩეული არქიტექტურული შტრიხები
თანამედროვე პრემიუმ პროექტებში ინოვაციურ არქიტექტურულ დეტალებს განსაკუთრებული მნიშვნელობა ენიჭება. ეს არა მხოლოდ ესთეტიკურად მიმზიდველი, არამედ ფუნქციური ელემენტებიცაა. მაგალითად, ვიტრაჟული ფანჯრები, შთამბეჭდავ ხედთან ერთად, ბუნებრივი განათების წყაროა. არქიტექტურული შტრიხები ვიზუალურ ეფექტს ქმნის, ამავე დროს მდგრადობასა და ენერგოეფექტურობასაც განაპირობებს.
რატომ არის პრემიუმ აპარტამენტები საინვესტიციოდ მომგებიანი?
დღეს პრემიუმ აპარტამენტის ყიდვა მომგებიანია, რადგან უძრავი ქონების ბაზარზე ამ პროექტებზე ყოველთვის მაღალი მოთხოვნაა და ღირებულებაც სტაბილურად იზრდება.
რას აერთიანებს პრემიუმ კომპლექსები? მოკლედ ასე შეგვიძლია შევაჯამოთ:
- პრესტიჟული მდებარეობა, სადაც ირგვლივ ყველა საჭირო ობიექტია;
- უსაფრთხო შენობა, რომელიც მაღალი ხარისხის ენერგოეფექტური მასალებითაა აშენებული;
- მრავალფეროვანი ინფრასტრუქტურა მოიცავს გამწვანებულ ეზოს, სპორტულ მოედანს, დასასვენებელ სივრცეებს, დახურულ ავტოსადგომს, ფიტნეს დარბაზს, ღია აუზს, სპას, კაფეს, სუპერმარკეტსა და აფთიაქს.
ამ მახასიათებლების გამო, ელიტარული კლასის საცხოვრებელი კომპლექსები ყოველთვის აქტუალურია იმ მოიჯარეებისათვის, რომლებისთვისაც ბინა მხოლოდ უძრავი ქონება არ არის. ისინი აფასებენ მთლიან საცხოვრებელ გარემოს, ინტერიერს, ინფრასტრუქტურასა და სერვისებს. ბინის მფლობელისთვის კი პრემიალური საინვესტიციო ქონება მაღალ ყოველთვიურ შემოსავალთან ერთად, ქონების თვითღირებულების სტაბილურ ზრდასაც გულისხმობს.
,,არქის” პრემიუმ აპარტამენტები
წარმოიდგინეთ სივრცე, სადაც ყოველი დეტალი თქვენს კომფორტზეა მორგებული. სწორედ ასეთ პრემიალურ კომპლექსებს ვქმნით, რომლებიც საქართველოს მასშტაბით პერსპექტიულ ლოკაციებზე შენდება.
Le Meridien Sioni Lake Resort & Spa by Archi
Le Meridien Sioni Lake Resort & Spa ზღვის დონიდან 1100 მეტრზე, თბილისის ეროვნული პარკის სიახლოვეს შენდება. პროექტის დიზაინზე ესპანურმა კომპანიამ — Chapman Taylor Madrid studio-მ იმუშავა. კომპლექსი ხუთ აპარტოტელს მოიცავს, რომლებიც ლუქს, არტ და მოდერნ სტუდიოს კატეგორიის აპარტამენტებს აერთიანებს.
ეს ელიტარული დასასვენებელი კომპლექსი ოთხივე სეზონზე მიმზიდველია. აქ ყველაფერია, რაც ადამიანს განტვირთვისათვის სჭირდება — ტყისა და მთის პეიზაჟები, სუფთა ჰაერი, ღია და დახურული აუზები, სპა ცენტრი, სპორტული მოედნები, წვეულებებისა და საკონფერენციო დარბაზები, ტერასა, ზამთრის ბაღი, საბავშვო გასართობი სივრცე, ვერტმფრენის მოედანი, ბულვარი ტბის პირას და ა.შ.
არქი უნივერსი
მშენებლობის აქტიურ ფაზაშია უნივერსიტეტის ქუჩაზე მდებარე ,,არქი უნივერსი”. 26 სართულიანი საცხოვრებელი კომპლექსი არქიტექტურული ელემენტებით, მრავალფუნქციური სივრცეებითა და პანორამული ხედებით გამოირჩევა.
ევროპული სტანდარტების ფიტნეს დარბაზი, ღია აუზი და თანამედროვე კომერციული სივრცეები ქმნის სრულყოფილ გარემოს, რომელიც დღეს ადამიანს სჭირდება.
არქი ლისი სანრაიზი
განსაკუთრებულად მიმზიდველია ლისი სანრაიზის პრემიუმ აპარტამენტები თბილისში, რომლებიც ლისის ტბის მახლობლად, ქალაქის ერთ-ერთ ყველაზე გამწვანებულ ადგილას შენდება. ,,არქი ლისი სანრაიზი” ექვსი დახვეწილი და არქიტექტურულად გამორჩეული დაბალსართულიანი სახლისგან შემდგარი კომპლექსია.
აქ გათვალისწინებულია აუზი, 15 000 კვ.მ. გამწვანებული ეზო, საბავშვო გასართობი სივრცე, სავარჯიშო დარბაზი და სპორტული მოედანი. შეგიძლიათ საღამოები განსაკუთრებული გახადოთ — უყუროთ ქართული და მსოფლიო კინემატოგრაფიის შედევრებს ,,არქი ლისი სანრაიზის” კინოთეატრში.
,,არქი რივერთაუნი”
პრესტიჟულ უბან დიღომი 8-ში მდებარე ეს კომპლექსი ცხოვრების თანამედროვე სტილს სრულად ერგება. ,,არქი რივერთაუნი” აერთიანებს გამწვანებულ ეზოს, ღია აუზს, სპა ცენტრსა და მრავალფეროვან სპორტულ ინფრასტრუქტურას, რაც აქტიური ცხოვრებისთვის იდეალურ გარემოს ქმნის.
არქი რამადა ბათუმი
მსოფლიოში წამყვანი სასტუმროების ქსელ ,,ვინდჰემის" ბრენდთან პარტნიორობით, პრემიუმ აპარტამენტები ბათუმში, ახალ ბულვართან, შენდება. 30-სართულიანი მულტიფუნქციური აპარტოტელი საცურაო აუზს, სამორინეს, რესტორანს, ბარს, ლაუნჯს, საბავშვო სივრცესა და საკონფერენციო დარბაზს მოიცავს.
აპარტამენტები სრული რემონტით, ავეჯითა და ტექნიკით ბარდება. კომპანია ბინის გაქირავების სრულ მომსახურებას გთავაზობთ. ამრიგად, ,,არქი რამადა ბათუმი" საუკეთესო საინვესტიციო შესაძლებლობაა.
იხილეთ ,,არქის” დეველოპერული პროექტები ერთ სივრცეში და აღმოაჩინეთ პროექტი, რომელიც თქვენს მოთხოვნებს სრულად ერგება.
დაგვიკავშირდით დღესვე და გაიგეთ მეტი პრემიუმ აპარტამენტების შესახებ. ისარგებლეთ გადახდის მორგებული პირობებით და განახორციელეთ ინვესტიცია იქ, სადაც უძრავი ქონების ღირებულება სტაბილურად იზრდება.