რატომაა მისაღები ოთახის დიზაინი მნიშვნელოვანი და რა უნდა გავითვალისწინოთ მისი მოწყობისას

სახლის მოწყობისას, დიზაინის შერჩევისას პირველ რიგში იმაზე ვფიქრობთ, რომ სახლი მაქსიმალურად კომფორტული იყოს. დიახ, ჩვენს სახლში მყუდროდ უნდა ვგრძნობდეთ თავს და ასევე მყუდროება უნდა იგრძნონ ჩვენმა სტუმრებმაც. საერთო კომფორტის შესაქმნელად კი ძალიან მნიშვნელოვანია მისაღები ოთახის დიზაინი და ამ ოთახში ავეჯის მოწყობა. ჩვენს ბლოგში სწორედ მისაღები ოთახის მოწყობის შესასებ მოგიყვებით, გაგიზიარებთ საინტერესო რჩევებს.

 

 

სახლის ინტერიერის არჩევა

 

სახლის ინტერიერი ჩვენს ყოველდღიურობაზე დიდ გავლენას ახდენს. ამიტომ, როცა სახლის მოწყობას ვიწყებთ ამ პროცესში დიდ რესურსს ვდებთ და გვსურს, ოთახების დიზაინი ჩვენს გემოვნებას შეესაბამებოდეს. სახლის მოწყობისთვის დახარჯული რესურსი ფუჭი რომ არ იყოს ინტერიერის არჩევისას გაითვალისწინე:

• თითოეულ ოთახს რა ფუნქცია აქვს და რამდენ დროს გაატარებ იქ;
• ფერები მხოლოდ გემოვნების კი არა, იმის მიხედვითაც შეარჩიე, რამდენად კომფორტულია;
• თუ ტრენდები გიყვარს, ტრენდული დეკორაციის შერჩევისას მის ფუნქციურობას მიაქციე ყურადღება.

 

 

 

მისაღები ოთახი, როგორც სახლის ცენტრი

 

მისაღები ოთახი ხშირად აღიქმება სახლის ცენტრად, რადგან:

1. როგორც წესი ეს არის ოჯახისა და მეგობრების თავშეყრის მთავარი ადგილი;

2. არის მრავალფუნქციური სივრცე, რომელიც სხვადასხვა აქტივობისთვის შეგვიძლია გამოვიყენოთ;

3. მისაღები ოთახის დიზაინს შეიძლება მნიშვნელოვანი გავლენა ჰქონდეს მთელი სახლის ატმოსფეროზე;

 

ჩამოთვლილი მიზეზებიდან გამომდინარე მისაღები ოთახის ინტერიერის შერჩევას განსაკუთრებული ყურადღება უნდა დავუთმოთ. თუ შენს მისაღებ ოთახში დიდი ფართია, გაითვალისწინე, რომ დიდი ოთახის დიზაინის არჩევა სპეციალურ მიდგომას საჭიროებს:

• დაყავი ზონებად - დიდ მისაღებ ოთახში გამოყავი ზონები: სასაუბრო ზონა, სამკითხველო კუთხე, სამუშაო სივრცე და სხვ. რამდენიმე სასაუბრო ზონის შექმნა იდეალური გზაა სივრცის ასათვისებლად. ყველა ზონა ერთმანეთთან დააკავშირე ფერის სქემით, ანუ საერთო ფერის ელემენტებით დატვირთე;
• იყავი გაბედული - მიუხედავად იმისა, რომ სივრცეების გამოყოფით და სხვადასხვა დეკორით მისაღები ოთახი შეიძლება გადაიტვირთოს, დიდ ოთას ეს გადატვირთვა უხდება კიდეც. ამიტომ, იყავი გაბედული დეკორის არჩევისას და გამოიყენე თამამი ორნამენტებით გაფორმებული ხალიჩა, დეკორატიული ყავის მაგიდები და ექსტრავაგანტური ჭაღი. თუ მხატვრობა გიყვარს, შეარჩიე დიდი ზომის ნახატები, რათა თამამი განაცხადი გააკეთო, დიდ სივრცეს დიდი ნახატები უფრო მეტად უხდება;
• დაამატე ტექსტურა - სხვადასხვა ქსოვილი, მასალა და დეკორაციის ელემენტები დიდ მისაღებ ოთახს სიღრმეს მატებს, რაც უფრო კომფორტულს ხდის მას. რბილი აქსესუარი, როგორიც ბალიშია ოთახში დამატებით სითბოსა და სიმყუდროვეს შემოიტანს;
• მოერიდე არეულობას - მრავალფეროვნება არ ნიშნავს არეულობას. არეულობის თავიდან ასარიდებლად დაყოფილ ზონებში გამოიყენე ინტერვალები, მაგალითად, დასაჯდომებს შორის დატოვე ფართო გასასვლელი.

 

 

როგორ მოვაწყოთ პატარა ფართის მისაღები ოთახი

 

როცა სივრცე არ გვყოფნის, პატარა ოთახის დიზაინი გადამწყვეტ როლს თამაშობს სივრცის ათვისებაში. პატარა მისაღები ოთახი ელეგანტურ და დახვეწილ სივრცეს რომ აქციო, აუცილებელია პროპორციების დაცვა და სწორი ხერხების გამოყენება:

1. დაიწყე ფარდაგის დაგებით, რათა სივრცე შეიკრას;

2. გამოიყენე ბუნებრივი განათება, ნუ ჩააბნელებ ოთახს მუქი ფარდებით;

3. შეარჩიე ერთი სტილის და ფორმის რბილი ავეჯი;

4. განათავსე სარკეები, რათა ოთახი უფრო ნათელი და დიდი გამოჩნდეს;

5. შექმენი საკუთარი სტილი, ამისთვის შეგიძლია ხელოვნების ნიმუშები გამოიყენო. პატარა ოთახში სტილის, ინდივიდუალიზმის გამოხატვა დაგეხმარება აირიდო სივრცის მოსაწყენ ადგილად გარდაქმნა;

 

 

როგორ განვალაგოთ მისაღებ ოთახში ავეჯი

 

მისაღები ოთახის ავეჯი ოთახის იერსახის უმნიშვნელოვანესი ნაწილია, ამიტომ თითოეული დეტალი სწორად უნდა განათავსო. პირველ რიგში, ყველაზე დიდი ნაწილი განათავსე. როგორც წესი, ეს დიდი ნაწილი დივანია. მოერიდე დივნის ფანჯრის პირისპირ განთავსებას, უმჯობესია ბუხრის ან ტელევიზორის პირისპირ მოათავსო. შემდეგ, განალაგე უფრო პატარა დასაჯდომები, როგორიცაა სავარძლები და სკამები. პატარა დასაჯდომები მოათავსე დივნის პირისპირ ან მიმდებარედ. 

სიმეტრია ქმნის წესრიგსა და ბალანსს, შესაბამისად, სიმეტრიულად განალაგე სხვა ავეჯი, ყავის გამიდა იქნება ეს, სანათები თუ კონსოლები.

 

არქი ქარდით პარტნიორ კომპანიებში ფასდაკლებით შეიძენ ყველაფერს, რაც მისაღები ოთახის მოსაწყობად დაგჭირდება. ეს არის аასდაკლების ბარათი, რომელიც ყველა არქელს ბინის შეძენისთანავე საჩუქრად გადაეცემა.