სახლის მცენარეები ბინაში სიცოცხლისა და ფერის შეტანის საუკეთესო გზაა. თუ გსურთ, რომ თქვენს სახლს სიმწვანე შემატოთ, მაგრამ დიდი მცენარეებისთვის საკმარისი ადგილი არ გაქვთ ეს ბლოგი სწორედ თქვენთვისაა. სულ ცოტა კრეატიულობით თქვენ შეგიძლიათ იპოვოთ უნიკალური გზები სახლის მცენარეებით გასაფორმებლად.
პირველი ნაბიჯები სახლის გასამწვანებლად
ყველა შიდა მცენარე ერთნაირი არ არის, ამიტომ პირველი ნაბიჯი უნდა იყოს მათი სწორად შერჩევა. მცენარეები ბინაში რომ არ დაჭკნეს მათი შერჩევისას გაითვალისწინეთ თქვენი სახლის განათება. თუ თქვენს ბინაში მზის სხივები ადვილად აღწევს, უპირატესობა მიანიჭეთ ისეთ მცენარეებს, რომლებსაც ბუნებრივი სითბო სჭირდება, მაგალითად კაქტუსები და სუკულენტები. თუ ბუნებრივი შუქი ბინაში რთულად აღქევს, ისეთი მცენარეები გჭირდებათ, რომლებიც ჩრდილშიც ხარობს, მაგალითად გვიმრა ან ფოთოსი.
კრეატიული დეკორაციები მცენარეების განსათავსებლად
საინტერესო დეკორაციები თქვენს სახლში მიმზიდველ ატმოსფეროს შექმნის, ამ დეკორაციებს თუ სახლის გამწვანება დაემატება თქვენი ბინის ინტერიერი გამორჩეული იქნება. ამასთან ერთად, მცენარეები ძალიან სასარგებლოა ჯანმრთელობისთვის. ჩვენ წარმოგიდგენთ კრეატიული დეკორაციების იდეებს მცენარეების განსათავსებლად:
- ჩამოსაკიდებელი ტერარიუმი - ტერარიუმი არის სათავსომ ან ყუთი, რომელიც მცენარეებისთვის გამოიყენება. ჩამოსაკიდებელი ტერარიუმი სახალისო და კრეატიული გზაა სახლის გასამწვანებლად. შეგიძლიათ ტერარიუმი ჩამოკიდოთ ჭერზე ან თქვენთვის სასურველ ნებისმიერ ადგილას. ჩამოსაკიდებელი სათავსო განსაკუთრებით კარგია კაქტუსების, სუკულენტებისა და სხვა დაბალი მცენარეებისთვის.
- ცოცხალი კედელი - თუ საკმარისი სივრცე არ გაქვთ, რომ მცენარეები იატაკზე განათავსოთ, ერთ-ერთი საუკეთესო გზააა კედელზე ჩამოკიდება. ვერტიკალური ბაღი თქვენს ბინაში ძალიან საინტერესო ინტერიერს შექმნის. შესაძლებელია უკვე გამზადებული კედელზე დასაკიდებელი ქოთნების შეძენა, რომელიც კედელს არ დააზიანებს.
- თაროები - სხვადასხვა ავეჯის ან დამოუკიდებელი თაროები სახლის გამწვანების იდეალური საშუალებაა. თქვენს კრეატივზეა დამოკიდებული, როგორ განათავსებთ მცენარეებს თაროზე.
- ძველი ავეჯი - მოგეპოვებათ ისეთი ავეჯი, რომელსაც აღარ იყენებთ? მაშინ შესძინეთ მას ახალი სიცოცხლე და მთლიანად მცენარეებისთვის გამოიყენეთ. უბრალოდ მოათავსეთ ავეჯის შიდა ნაწილში პლასტმასის საფარი, რათა თავიდან აიცილოთ წყლის გაჟონვა და შეავსეთ მიწით. დიახ, ამ ავეჯშივე შეგიძლიათ მცენარეები ჩარგოთ, მაგალითად უჯრებში.
- მოულოდნელი ადგილები - იმის ნაცვლად, რომ მცენარეები სტანდარტულ, პროგნოზირებად ადგილებში განალაგოთ, როგორიცაა ფანჯრის რაფა, სცადეთ ჭერთან ახლოს თაროებზე ან კუთხის თაროებზე განთავსება.
- ფერადი ქოთნები - უბრალო ქოთნები შეგიძლიათ ხელოვნების ნიმუშებად გარდაქმნათ. შეღებეთ ქოთნები საღებავებით, დაახატეთ რაც მოგესურვებათ და განალაგეთ განსხვავებულად, ეს ნამდვილად გამორჩეულ დეკორაციას შექმნის.
მცენარეების მოვლა
სახლის მცენარეები რთული მოსავლელი არ არის, თუმცა როცა ოთახის გამწვანება გვსურს რაღაც დეტალები უნდა გავითვალისწინოთ:
1. ცენარისთვის შესაფერისი ნიადაგის არჩევა ძალიან მნიშვნელოვანი ნაბიჯია. ნიადაგში აუცილებლად უნდა იყოს საკვები ნივთიერებები და არ უნდა შეიცავდეს სარეველის თესლს ან დაავადების გამომწვევ ნივთიერებებს. უმჯობესია, თუ ისეთ ნიადაგს შეარჩევთ, რომელიც ბიოქარს, კომპოსტსა და მიკორაზის ნაზავისგან შედგება, რაც ფესვების ჯანსაღ ზრდას უწყობს ხელს. რა თქმა უნდა, სავსებით შესაძლებელია, რომ თქვენ ამ დეტალებში ვერ ერკვეოდეთ, ამიტომ მიმართეთ სპეციალისტებს და ნიადაგი სპეციალურ მაღაზიაში შეიძინეთ.
2. დააჯგუფეთ სახლის მცენარეები ტიპების მიხედვით. გარდა იმისა, რომ ერთგვაროვან იერს მისცემს ინტერიერს, გაგიადვილებთ მცენარეების მოვლას. მაგალითად, შეგიძლიათ დააჯგუფოთ ფიკუსის ხეები ერთ კუთხეში ან მოათასოთ ყველა კაქტუსი ერთ თაროზე.
3. სანამ მცენარეს შეიძენთ, გაარკვიეთ როგორი მორწყვა სჭირდება. სახლის მცენარისთვის დამაზიანებელია წყლის რაოდენობის გადამეტებაც და დაკლებაც. მაგრამ ზედმეტი წყალი გაცილებით უფრო მავნებელია, რადგან ხელს უწყობს მცენარისთვის მომაკვდინებელი ბაქტერიების გავრცელებას.
არქი ქარდით პარტნიორ მაღაზიებში შეძლებთ ფასდაკლებით შეიძინოთ თქვენთვის სასურველი მცენარეები, მასთან დაკავშირებული აქსესუარები და მოვლის საშუალებები. ასევე, მიიღოთ კონსულტაცია, რომელ მცენარეს როგორ უნდა მოუაროთ. არქი ქარდი არის ფასდაკლების ბარათი, რომელსაც არქიში ბინის შეძენისთანავე საჩუქრად მიიღებთ. გარდა იმისა, რომ ამ ბარათით პარტნიორ მაღაზიებში სახლისთვის თუ თქვენთვის საჭირო ნივთებს შეიძენთ, ფასდაკლებით ისარგებლებთ სხვადასხვა სერვისზე.