კედლის საათი მხოლოდ დროის გასაგები ნივთი როდია... ამ ბლოგში წაიკითავ ტრენდული კედლის საათების შესახებ, რომლებიც სახლში გამორჩეული და თანამედროვე სტილის ინტერიერის შექმნაში დაგეხმარება.
1. ანტიკური საათი
სახლის ინტერიერის რუსტიკულ სტილში გადაწყვეტა 2023 წელს ძალიან ტრენდულია და ინტერიერის დიზაინერების თქმით, მომავალ წლებშიც არ გადავა მოდიდან. თუ გსურს, რომ შენი სახლის ინტერიერს რუსტიკული ხიბლი შესძინო, გამოიყენე ქანქარიანი ანტიკური კედლის საათი.
2. მინიმალისტური
რუსტიკული და ვინტაჟური სტილი უდავოდ ლამაზია, მაგრამ სიმარტივის მოყვარულთათვის ცოტა დამღლელი და ზედმეტად გადატვირთულია. თუ შენც მათ შორის ხარ და სადა ფერები, მარტივი დიზაინი გიყვარს მინიმალისტური კედლის საათი უნდა შეარჩიო.
3. ჩამოსაკიდებელი ორმხრივი საათი
ასეთი საათები ხშირია რკინიგზის სადგურებში და თავისებური, გამორჩეული სტილისაა. ამ ჩამოსაკიდებელ საათს ორი მხარე აქვს და თითოეული აჩვენებს დროს. მსგავსი საათები სახლში დახვეწილი და ორიგინალური ინტერიერის შექმნაში დაგეხმარება.
4. დიდი ზომის საათი
ეს უჩვეულოდ დიდი ზომის საათი თითქმის მთელ კედელს იკავებს და აღარ არის საჭირო დეკორაციის დამატება. თუ მინიმალისტური სტილი გიყვარს დიდი ზომის საათი სწორედ შენთვისაა. ყურადღება მიაქციე საათის მასალას, თუ საათი ძალიან მძიმე იქნება კედელზე მარტივად ვერ გაჩერდება.
5. ხის მარტივი საათი
გამორჩეული დიზაინის და კრეატივის მოყვარულებს კედლის საათის შესარჩევად ბევრი ფიქრი აღარ გჭირდებათ. ნატურალური ხისგან დამზადებული კედლის საათი 2023 წლის ტრენდსაც პასუხობს და ყველა იმ ინტერიერს უხდება, სადაც მცირე რაოდენობით მაინც არის ხის ავეჯი ან დეკორი გამოყენებული.
6. ხელნაკეთი კედლის საათი
თანამედროვე ინტერიერის დიზაინში ყველაფერი ტრენდულია, რაც ხელნაკეთია. თუ ხელმარჯვე ხარ, შეგიძლია ფანტაზია გამოიყენო და თავად დაამზადო კედლის საათი, ან უბრალოდ სასურველი დიზაინის შეარჩიო და შეიძინო. ხელნაკეთ საათს ის უპირატესობა აქვს, რომ უნიკალურია, ორიგინალური და ყოველთვის იქცევს ყურადღებას.
არქი ქარდით შენი სახლისთვის გამორჩეული საათების შეძენა არქის პარტნიორ კომპანიებში ფასდაკლებით შეგიძლია.
არქი ქარდი არის ფასდაკლების ბარათი, რომელიც ბინის შეძენისას ყველა არქელს საჩუქრად გადაეცემა.