კატა ის შინაური ცხოველია, რომლისთვისაც განსაკუთრებით მნიშნელოვანია სიმყუდროვე. სახლის მოწყობისას სასურველია, რომ ინტერიერში შინაური ცხოველის საჭიროებები და სურვილები გავითვალისწინოთ. ასევე, გასათვალისწინებელია ისიც, რომ ყველა შინაურ ცხოველს თავისებური საჭიროებები აქვს, გამონაკლისი არც კატაა. თავიდან შეიძლება იფიქროთ, რომ ეს აქტიური და მოძრავი არსება სახლში აურზაურს შემოიტანს, მაგრამ ასე არაა, კატას სახლში სიმყუდროვე და სიმშვიდე შემოაქვს. ამ შინაურ ცხოველს განსაკუთრებით უყვარს ზამთარში თბილი ადგილები, ამიტომ ამ სეზონზე მისთვის კუთხე გამათბობელთან ახლოს მოაწყვეთ. თუ სახლში კატის მოყვანას გეგმავთ, სიმყუდროვის მოყვარულ ცხოველს ახალ სივრცეში ადაპტაცია რომ არ გაუჭირდეს ჩვენი ბლოგი დაგეხმარებათ, ინტერიერში მასზე მორგებული კუთხეები მოაწყოთ.
კატისთვის ჯანსაღი გარემოს შექმნა
სანამ თქვენი კატა ახალ გარემოსთან ადაპტირდება აუცილებელია, შესამაბისი გარემო შეუქმნათ. საქმეს გაიადვილებთ, თუ გრძელვადიან პერსპექტივაზე იფიქრებთ და ისე მოაწყობთ ინტერიერს, რომ სამომავლოდაც გამოგადგეთ. ამ შედეგის მისაღწევად გაითვალისწინეთ რჩევები:
- უსაფრთხო სივრცე - ყველა კატას სჭირდება ადგილი, საიდანაც ოჯახის წევრებს დააკვირდება და თავს უსაფრთხოდ იგრძნობს. ზოგი კატისთვის ეს შეიძლება იყოს ამაღლებული ადგილი, მაგალითად წიგნების თარო. ხოლო ნაწილისთვის ცალკე მოთავსებული ყუთი აღმოჩნდება კომფორტული. ორივე ვერსია სცადეთ და დააკვირდით, რომელს აირჩევს თქვენი შინაური ცხოველი.
- საკვები და დასაძინებელი სივრცე - ალბათ თქვენთვისაც ცნობილია, როგორ უყვარს კატას საწოლები, ძალიან დიდ დროს ატარებს ძილში. თავი ხაფანგში რომ არ იგრძნოს დასაძინებელი და საკვები კუთხეები ერთმანეთისგან უკიდურესად დაშორებულ ადგილებში მოაწყვეთ.
- გაითვალისწინე ყნოსვა - კატებს აქვთ გაძლიერებული ყნოსვა და ეს არის ძირითადი გზა ადამიანებისა თუ საგნების იდენტიფიცირებისთვის. გადამწყვეტი მნიშვნელობა აქვს სახლში არსებულ სურნელს, ამიტომ, თქვენ უნდა მოერიდოთ ქიმიკატებით მთელი სახლის ერთდროულად გაწმენდას.
კატის კუთხე ფანჯრის რაფაზე
იმის მიუხედავად, რომ კატა სოციალური ცხოველია და უყვარს ყურადღება, მაინც სჭირდება კუთხე, სადაც თავს კომფორტულად იგრძნობს და დაიმალება. კატებს ძალიან უყვართ სივრცე თქვენი სახლის ფართი პატარაა, ეს შეიძლება მისთვის დისკომფორტული იყოს. შეგიძლიათ ფანჯრის რაფაზე მოათავსოთ ბალიში, რათა თქვენმა კატამ გარეთ იყუროს და სივრცე აღიქვას. სივრცის სიყვარულთან ერთად, კატები ცნობისმოყვარეებიც არიან და მათთვის მშვენიერი გასართობია გარეთ ყურება. ფანჯრის რაფა ის ადგილია, რომელსაც ცხოველი სტუმრიანობის დროსაც შეაფარებს თავს.
სათამაშო ადგილი
ახალი საცხოვრებელ ადგილთან შეგუებაში კატას ყველაზე მეტად სათამაშოები ეხმარება. მოათავსეთ რბილი ხალიჩა ოთახის რომელიმე კუთხეში და დააწყვეთ კატის სათამაშოები. თქვენი კატა მარტივად შეეგუება იმ ფაქტს, რომ ეს მისი სათამაშო კუთხეა და ამასთან ერთად, როცა ერთ კუთხეში იქნება სათამაშოები თავმოყრილი სახლის დალაგება გაცილებით გაგიმარტივდებათ. არ დაგავიწყდეთ, რომ კატას უყვარს ნადირობა, შესაბამისად, მისთვის იდეალური სათამაშო იქნება ჩამოსაკიდებელი აქსესუარები, რომლებსაც უნდა მიწვდეს. სათამაშოდ და დასამალად შეგიძლიათ მოათავსოთ დიდი მცენარეც. ოღონდ გაითვალისწინეთ, რომ მცენარე ზოომაღაზიაში შეარჩიოთ, რადგან კატისთვის მავნებელი არ აღმოჩნდეს.
კომუნიკაციის ბალანსი
ჩვენი შინაური ცხოველი ყველას ძალიან გვიყვარს და გვინდა, ხშირად მოვეფეროთ. მაგრამ ზოგჯერ თავის შეკავება უნდა შევძლოთ, კატას პირადი სივრცე მივცეთ და დისტანცია დავიცვათ. თუმცა, საჭიროა ბალანსის დაცვა, ისე არ უნდა გამოგვივიდეს, რომ მთლად უყურადღებოდ დავტოვოთ საკუთარ კუთხეში. ხანდახან აუცილებელია, მივიდეთ და მოვეფეროთ. ასევე, გასათვალისწინებელია ისიც, რომ კატას თავისუფლება უყვარს და თუ იგი სახლში მოგვყავს არ უნდა შევუზღუდოთ მოძრაობა. მაგალითად, ძაღლის შემთხვევაში სხვანაირადაა, იგი ნაკლებს მოძრაობს და ერთი კუთხე აქვს ამორჩეული, დისციპლინას მეტად ემორჩილება. აი, კატას კი უნდა შეეძლოს სურვილისამებრ გადაადგილდეს მთელ სახლში.
არქი ქარდით კი პარტნიორ კომპანიებში თქვენი სახლის მოსაწყობად ყველაფერს ფასდაკლებით შეიძენთ. ასევე, ფასდაკლებით ისარგებლებთ შინაური ცხოველების საკვებსა და მოვლის საშუალებებზე. ეს არის ფასდაკლების ბარათი, რომელიც არქიში ბინის შეძენისთანავე ყველა არქელს საჩუქრად გადაეცემა.