სახლის ინტერიერი მფლობელისთვის საუკეთესო საშუალებაა საკუთარი კრეატიულობა და შემოქმედებითი ხედვა გამოავლინოს. თუ ინტერიერში საკუთარი წარმოსახვის გამოყენება გსურთ, Სააბაზანო სწორედ ის ერთ-ერთი გამორჩეული სივრცეა, სადაც ამას დეკორის დახმარებით შეძლებთ. ჩვენს ბლოგში წარმოგიდგენთ აბაზანის აქსესუარებს, რომელიც დაგეხმარებათ თქვენი პიროვნება გამოხატოთ და მრავალფეროვანი, პრაქტიკული სააბაზანო შექმნათ.
სარკე, როგორც აბაზანის ერთ-ერთი მთავარი აქსესუარი
სარკეები საუკეთესო საშუალებაა აბაზანაში განათების გასაძლიერებლად და სივრცის გასაზრდელად. გარდა ამისა, გამორჩეული ინტერიერის შექმნის შესაძლებლობაცაა. აბაზანის მრგვალი სარკე ყველაზე დახვეწილი, ელეგანტური და ოპტიმალური ვარიანტია, რომელიც ნებისმიერი სტილის ინტერიერს მოუხდება. თუმცა, სულაც არ არის აუცილებელი, რომ მრგვალი სარკე აირჩიოთ. დღესდღეობით დიზაინერები სარკეების ძალიან დიდ ასორტიმენტს გვთავაზობენ. ბევრი სარკე ახლა უფრო მეტია, ვიდრე უბრალოდ დიზაინის ელემენტი, მათ შორისაა მრავალფუნქციური სარკეები ლედ განათებებითა თუ ციფრული საათებით და გამორჩეული და ექსტრავაგანტური დიზაინის.
რატომ უნდა ავირჩიოთ ოქროსფერი აქსესუარები
ოქრო ოდითგანვე ფუფუნებასთან და დახვეწილობასთან ასოცირდებოდა. როდესაც ოქროსფერი დეტალებით გაფორმებულ ოთახში შევდივართ მდიდრულად აღვიქვამთ და გამონაკლისი არც აბაზანაა. გარდა ამისა, კიდევ არსებობს რამდენიმე მიზეზი, რატომ უნდა გამოვიყენოთ აბაზანის ოქროსფერი აქსესუარები:
1. ოქროსფერი აქსესუარები თითქმის ყველა ფერის პალიტრას უხდება და დახვეწილობას მატებს;
2. ოქროსფერი აბაზანას უნიკალურსა და თვალშისაცემს გახდის, უბრალოდ, ძალიან ბევრი ოქროსფერი არ უნდა გამოიყენოთ;
3. ოქრო დიდი ხანია კეთილდღეობასთან, პრესტიჟთან ასოცირდებბა. ოქროსფერი აქსესუარები ამ მდიდრული ლითონის უნიკალურ თვისებებს გამოავლენს;
4. ოქროსფერი ყოველთვის მოდაშია, რადგან თანამედროვე დეკორში ტრადიციული დეტალები შემოაქვს.
აბაზანის კრეატიული აქსესუარები
აბაზანისთვის აქსესუარების შერჩევისას უნდა გავითვალისწინოთ, რომ თითოეული ნივთი კრეატიულთან ერთად ფუნქციური იყოს. წარმოგიდგენთ რამდენიმე გამორჩეულ ნივთს:
- ბამბუკის ლანგარი, რომელიც თავსდება აბაზანაზე და უზრუნველყოფ კომფორტს. ლანგარზე შესაძლებელია ფურცლების, დასაბანი საშუალებების და ჭიქის მოთავსებაც კი.
- საპნის დისპენსერები - საპნის დისპენსერი აბაზანაში ერთ-ერთი ყველაზე ხშირად გამოსაყენებელი ნივთია. არსებობს მრავალფეროვანი, თანამედროვე და გამორჩეული დიზაინის დისპენსერები.
- აბაზანის თაროები - ადრე აბაზანის თაროებს მხოლოდ დანიშნულებისამებრ იყენებდნენ. დღესდღეობით კი შეგიძლიათ შეარჩიოთ თქვენთვის სასურველი დიზაინის, რომელი მთელი სააბაზანოს ინტერიერზე იქონიებს გავლენას.
- პირსახოცების დამჭერები - გდამჭერები ძალიან საჭირო და მოსახერხებელი აქსესუარია. ამასთან ერთდ, შეიძლება იყოს უჩვეოლო და საინტერესო დიზაინის.
- ურნა - აბაზანის ურნაც ძალიან საჭირო აქსესუარია, რადგან აბაზანიდან სხვა ოთახში არ მოგიწევთ ნარჩენების გატანა. გამორჩეული დიზაინის არჩევის შემთხვევაში ინტერიერზე გავლენასა მოახდენს.
როგორ შევარჩიოთ აბაზანისთვის აქსესუარები სწორად
ზოგჯერ სააბაზანოს მოწყობისას ფოკუსი მხოლოდ დიდ კომპონენტებზე აქვთ. არადა, სწორად შერჩევის შემთხვევაში პაწაწინა კომპონენტები, რომელიც ზევით ვახსენეთ დიდ გავლენას ახდენს საერთო იერსახეზე. პატარა დეტალების შერჩევისას გაითვალისწინეთ ინტერიერის საერთო სტილი და დარწმუნდით, რომ არჩეული ნივთები მოუხდება ინტერიერს. ასევე, გაითვალისწინეთ თითოეული ნივთის ფუნქციურობა, რადგან თქვენს საჭიროებებზე უნდა იყოს მორგებული. შეიძლება სადმე ნახოთ რაიმე აქსესუარი და ძალიან მოგეწონოთ, მაგრამ თქვენთვის სრულიად გამოუსადეგარი იყოს.
რა უნდა გავითვალისწინოთ აბაზანის მოწყობისას
აქსესუარებს და ყველა დეტალს აბაზანის ინტერიერში მნიშვნელობა აქვს. თუმცა, ინტერიერის მთავარი ნაწილი, რასაც უნდა მოვარგოთ ყველაფერი იატაკისა და კედლების მოპირკეთებაა. როცა გადაწყვეტთ, როგორი სტილის ინტერიერი გსურთ აბაზანაში პირველ რიგში, შეარჩიეთ იატაკის და კედლის მოსაპირკეთებელი მასალა და სწორედ მას შეუხამეთ სხვა ყველაფერი, მათ შორის სულ პატარა აქსესუარიც კი. ისიც გაითვალისწინეთ, რომ სააბაზანოს ინტერიერს დიდი გავლენა აქვს ადამიანის ყოველდღიურ განწყობაზე და არ უნდა იყოს დამღლელი, მძიმე სტილი. წარმოიდგინეთ, როცა დღეში რამდენჯერმე სააბაზანოში შედიხართ სარკეში ჩასახედად, ან მოსაწესრიგებლად და იქიდან დაძაბული განწყობით გამოდიხართ. ასე რომ არ მოხდეს, სტილი, კედლისა და იატაკის მოსაპირკეთებელი მასალა, ყველა აქსესუარი თქვენი პიროვნების მიხედვით აარჩიეთ და არა ზოგადი სტანდარტების, ან ტრენდის მიხედვით.
არქი ქარდით პარტნიორ მაღაზიებში ფასდაკლებით შეიძენთ ყველაფერს, რაც შეიძლება სააბაზანოს მოსაწყობად დაგჭირდეთ. არქი ქარდი არის სპეციალურად არქელებისთვის შექმნილი ფასდაკლების ბარათი, რომელიც არქიში ბინის შეძენისთანავე საჩუქრად გადმოგეცემათ.