fbpixel
Close Icon
Chat Box
Archi Logo

შეუკვეთე ზარი

Phone Icon

დაგვიკავშირდით

+995 322 602 602

Phone Icon შეუკვეთე ზარი
გთხოვთ, ჩაწეროთ სახელი
გთხოვთ, აირჩიოთ ზარის მიზანი
გთხოვთ, ჩაწეროთ ტელეფონის ნომერი
ქარ ENG РУС

არქი არის სამშენებლო კომპანია, რომელიც ყველა სტანდარტის დაცვითა და უმაღლესი ხარისხის მასალებით აშენებს თანამედროვე და კომფორტულ ბინებს

ბლოგი

26/06/2020 _ ინტერიერი

არქის ფილარმონიის ოფისის შესახებ

ერგონომიკა - ეს არის მეცნიერება, რომელიც სამუშაო სივრცის ისეთ მოწყობას განსაზღვრავს, სადაც თითოეული თანამშრომლის ინდივიდუალური მოთხოვნილებებია გათვალისწინებული. ერთი სიტყვით, ერგონომიკული ოფისის დიზაინი მომუშავე პერსონალის პროდუქტიულობასა და ზოგადად კომპანიის განვითარებაზეა ორიენტირებული.

 

რადგან სამსახური ჩვენი ცხოვრების განუყოფელი ნაწილია, ოფისის დიზაინიც ინდივიდუალურად ჩვენზე უნდა იყოს მორგებული. ეს კი ჯანმრთელობისა და განწყობის ასამაღლებლად აუცილებელია. მაგალითისთვის, ზოგ ოფისში სტანდარტული სკამები და მაგიდები შეგხვდებათ, რაც თანამშრომლისთვის შეიძლება ან ზედმეტად დიდი ან ზედმეტად პატარა აღმოჩნდეს. ამ ელემენტარული კომფორტის არარსებობა კი შესრულებული სამუშაოს ხარისხზე პირდაპირ აისახება.

 

არქის ფილარმონიის ოფისის შექმნის პერიოდში ჩვენ ვზრუნავდით, შეგვექმნა ისეთი სამუშაო სივრცე, სადაც ჩვენს მომსახურე პერსონალთან ერთად არქის კლიენტებიც თავს ისე იგრძნობდნენ, როგორც საკუთარ სახლში. დიზაინის შექმნის პროცესში ერგონომიკული დარგის სპეციფიკაციები გამოვიყენეთ. საბოლოო შედეგად კი, ჩვენ მივიღეთ საქართველოში ერთ-ერთი ყველაზე კეთილმოწყობილი და თანამედროვე დიზაინის მქონე სივრცე, სადაც თითოეული ადამიანის ინტერესი და საჭიროება გათვალისწინებულია.

 

ერგონომიკის ერთ-ერთი ძირითადი პრინციპი ბევრი თავისუფალი სივრცის არსებობაა, რომელიც მის გადატვირთვას სრულიად გამორიცხავს. მთავარი მიზეზი არის ის, რომ დატვირთულ სივრცეებს პროდუქტიულობაზე უარყოფითი გავლენის მოხდენა შეუძლიათ. ამის თავიდან ასაცილებლად, ჩვენ სივრცის სწორი გზით ათვისება გადავწყვიტეთ. მაგალითად, რეცეფციაში სხვადასხვანაირი ზომის, ფორმის და ფერის სკამი თუ სავარძელი ისე განვათავსეთ, რომ მათ ერთმანეთისთვის ხელი არ შეეშალათ და სივრცეც საგრძნობლად გამოჩენილიყო. ფერადმა ავეჯმა კი გარემო უფრო სტუმართმოყვარე და მეგობრული გახადა.

 

 

ერგონომიკულ საოფისე დიზაინში ეკოლოგიური ელემენტები ყოველთვის გათვალისწინებულია. ეს ელემენტებია: სინათლე, ჰაერი და ტემპერატურა. ოფისში შემომავალ ბუნებრივ სინათლეს თანამშრომლებს შორის განწყობის ამაღლება შეუძლია. ის ასევე ინსპირაციაზეც დადებითად მოქმედებს. ბუნებრივი სინათლის ბენეფიტების გათვალისწინებით, ჩვენი ოფისის კედლები მინის მასალით არის ჩანაცვლებული. ეს კი უფრო მეტ ბუნებრივ სინათლეს, მზის სასიამოვნო სხივებს უზრუნველყოფს და ჩვენი მომსახურე პერსონალისა თუ კლიენტების განწყობაზე ზრუნავს. არქი ფილარმონიის ოფისში ჩაშენებული სავენტილაციო სისტემა კი სუფთა ჰაერს განაპირობებს, რაც თანამშრომლების პროდუქტიული მუშაობისთვის აუცილებელია.

 

მცენარეები ერგონომიკული ოფისის დიზაინის მთავარი ნაწილია. ჩვენი მცენარეები წმენდენ ჰაერს, ალამაზებენ ოფისს და არქის გუნდის წევრებზეც შთამაგონებლად მოქმედებენ.